Kanker Kulit

Saka Wikipédia Jawa, bauwarna bébas abasa Jawa
Kanker kulit

Kanker kulit ya iku thukulé sèl-sèl ing kulit ing taraf ora normal.[1] Panyebab kanker kulit béda-béda lan tingkat ganasé kanker uga béda-béda.[1] Kanker kulit paling umum nyerang ing sèl|sèl skuamosa, basal lan melanosit.[1] Kanker kulit biyasané thukul ing lapisam kulit kang paling njaba ya iku epidermis, saéngga tumor (benjolan) bisa dideleng saka njaba.[1] Kanker kulit kalebu kanker kang gampang tinemu gejalané ing stadium awal.[1] Kanker kulit uga kalebu kanker kang duwé resiko kematian paling sithik tinimbang kanker liyané.[1] Iki amarga kulit arang kang nganti tekan organ-organ vital kaya ta jantung, paru-paru, ginjel lan batang polo ing manungsa.[1] Kanker kulit bisa nyebabaké cacat kulit lan ngrusak blegeré lan nalika ing stadium lanjut bisa mbebayani tumprap wong kang kena kanker kulit.[1] Ana telu jinis kanker kulit kang lumrahé nyerang manungsa ya iku karsinoma sel basal (KSB), karsinoma sel skuamosa (KSS) lan melanoma maligna (MM).[1]

Obat[besut | besut sumber]

Para èlmuwan kang dipimpin Prof. Chris Shaw saka Queen’s School of Pharmacy, Inggris bisa ngidhèntifikasi loro protein kodhok kang kena kanggo obat kanker kulit.[2] Loro protèin kodok waxy monkey iki bisa ngalonaké thukulé pambuluh getih lan matèni tumor kanker.[2] Tim peneliti uga nemu yèn kodhok fire-bellied bisa ngasilké protèin kang bisa menstimulasi thukulé pembuluh getih.[2] Jinis protèin iki malah bisa nambani lan mbiyantu pasièn mari saka tatu kanthi wektu kang luwih rikat.[2]


Cathetan suku[besut | besut sumber]

  1. ^ a b c d e f g h i infopenyakit.com(dipunundhuh tanggal 20 Agustus 2011)
  2. ^ a b c d health.kompas.com(dipunundhuh tanggal 20 Agustus 2011)