Jalen Brunson

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Jalen Brunson
20170213 Villanova-Depaul Jalen Brunson bringing the ball upcourt.jpg
No. 13 – Dallas Mavericks
PosisiPoint guard
LigaNBA
Personal information
Lair (1996-08-31) Agustus 31, 1996 (umur 23)
New Brunswick, New Jersey
KewarganagaraanAmerican
Listed height6 ft 1 in (1.85 m)
Listed weight190 lb (86 kg)
Career information
High schoolStevenson (Lincolnshire, Illinois)
CollegeVillanova (2015–2018)
NBA draft2018 / Round: 2 / Pick: ping 33 overall
Selected by the Dallas Mavericks
Karir main2018–present
Masalah skrip: Modhul "sports career" ora ana.
Career highlights and awards
Stats at NBA.com
Stats at Basketball-Reference.com

Jalen Brunson (lair ing 31 Agustus 1996)[1], ya iku pamain basket NBA (National Basketball Association) lan saiki main ing tim Dallas Mavericks. Ing tim Dallas Mavericks, Brunson dadi pemain kang paling apik amarga dhèwèké tau ngasilaké 21 poin.[2] Jallen Brunson kang duwé nomer geger 13 ing tim Dallas Mavericks.[3] Jalen Brunson kuwi atlit baskèt kang kidal. Nanging, sanajan kidal, dhèwèké bisa dadi atlit kang bisa main baskèt kanthi apik.[4]

Kauripan[besut | besut sumber]

Jalen Brunson lair tanggal 31 Agustus 1996 ing dhaérah New Burnswick, New Jersey, Amérikah Sarékat. Dhèwèké lair saka bapak kang jenengé Rick lan ibu kang jenengé Sandra Brunson. Jalen Brunson seneng marang olahraga baskèt amarga bapak lan ibukké uga atlit. Nalika jaman nom, ibuké Jalen Brunson kuwi atlit olahraga voli lan bapaké uga pamain baskèt ing tim baskèt kampus ing Temple Univesity, Philadelphia, Pennsylvania, Amérikah Sarékat. Taun 2010, Jalen Brunson lan kulawargané pindah menyang Lincolnshire, Illinois. Ing kana, Brunson nerusaké sekolah ing SMA Stevenson (Stevenson Senior High School) lan dadi pamain baskèt sekolah kang paling apik.[5]

Sadurungé dadi atlit baskèt NBA, Jalen Brunson wis dadi pamain baskèt nalika dhèwèké sekolah ing SMA. Ing sekolahé, Brunson dianggep dadi pamain kang apik amarga dhèwèké bisa ngasilaké poin kang akèh nalika tandhing baskèt. Dhèwèké bisa ngasilaké 57 poin nalika tandhing baskèt.[6] Brunson uga tau ngasilaké poin kang gawa kamenangan kanggo sekolahé. Dhewèké bisa ngasilaké 56 poin lan ngalahaké mungsuh saka SMA Whitney Young.[5] Saliyané kuwi, Brunson uga tau duwé jasa kanggo sekolahé. Dhèwèké bisa nggawa sekolahé supaya bisa lolos ing final IHSA. Sekolah Stevenson akhiré lolos ing final amarga Brunson bisa ngalahaké sekolah Riverside Brookfield. Nalika sekolah SMA, Brunson kondhang minangka pamain baskèt kang bisa ngasilaké poin akèh lan bisa nuntun sekolah Stevenson ing liga-liga sekolah. Dhèwèké uga bisa terus nuntun Stevenson mimpin ing final IHSA tanpa kalah.[7]

Jalen Brunson ing loga IHSA

Timnas[besut | besut sumber]

Ing sasi Mei 2014, Jalen Brunson kalebu salah sawijining wong kang mlebu ing dhaptar 21 atlit kang nglakokaké uji coba main kanggo kajuaraan FIBA Amérika U-18. Ing pertandhingan babak kapisan utawa pertandhingan pambuka, Brunson bisa apik anggoné lawan nagara liya, kayata Brasil.[8] Saka adu tandhing kuwi mau, Jalen Brunson bisa gawa tim nasional Amérika Sarékat menang ing FIBA Amérika lan bali gawa medali emas.[9]

NBA[besut | besut sumber]

Jalen Brunson wiwit mlebu ing National Basketball Association (NBA) ing 21 Juni 2018. Jalen Brunson mlebu ing tim Dallas Mavericks lan dhèwèké diwènèhi kontrak 4 taun ing tim Dallas Mavericks lan dadi pamain cadangan. Mula bukané, sadurungé Brunson mlebu ing Dallas Mavericks, dhèwèké main baskèt ing tim Universitas Villanova. Amarga dhèwèké duwé cara main kang apik lan bisa ngasilaké poin akèh ing saben liga baskèt. Tim Dallas Mavericks bisa ngajak Jalen Brunson gabung ana ing tim Mavericks amarga Brunson duwé kaluwihan bisa ngasilaké poin akèh lan apik. Saliyané kuwi, Brunson uga bisa ngasilaké kurang luwih 19 poin, 4 assist, lan 3 rebound saben liga kang dilakoni Brunson.[10]

Jalen Brunson main ing NBA kanggo tim Dallas Mavericks wiwit 17 Oktober 2018. Nalika dhèwèké main baskèt kaping pisan ing NBA, Brunson wis bisa ngasilaké poin cacahé 3 poin lan 1 rebound adu tandhing lawan tim Phoenix Suns. Nanging, ing adu tandhing kuwi mau, tim Mavericks kalah lawan Phoenix Suns. Ing tim Mavericks, Jalen Brunson dianggep dadi atlit kang nduwèni sipat apik nalika ing tim lan ing lapangan. Jalen Brunson isih dadi pamain cadangan ing Dallas Mavericks nalika adu tandhing lawan Phoenix Suns. Nalika mlebu NBA, dhèwèké dadi pemain cadangan suwéné 4 adu tandhing NBA. Sawisé kuwi, dhèwèké dadi pamain inti ing tim Dallas Mavericks amarga ana atlit kang lara tatu nalika adu tandhing. Ing ngisor iki statistik Brunson ing NBA.[11]


Year Team GP GS MPG FG% 3P% FT% RPG APG SPG BPG PPG
2018–19 Dallas 73 38 21.8 .467 .348 .725 2.3 3.2 .5 .1 9.3
Career 73 38 21.8 .467 .348 .725 2.3 3.2 .5 .1 9.3


Rujukan[besut | besut sumber]

  1. "Official NBA bio of Jalen Brunson". NBA.com (ing basa Inggris). Dijupuk 2020-02-23. 
  2. "Cetak Sejarah, Raptors Menang Meski Sempat Tertinggal 30 Poin Dari Mavericks". Ligaolahraga.com (ing basa Indonesia). Dijupuk 2020-02-23. 
  3. "Jalen Brunson Dallas Mavericks video, sejarah transfer dan statistik - SofaScore". www.sofascore.com. Dijupuk 2020-02-23. 
  4. Hunt, Donald. "Jalen Brunson following father Rick's footsteps". The Philadelphia Tribunes. Dijupuk 2020-02-24. 
  5. a b Tribune, Mike Helfgot, Special to the. "Stevenson's Brunson gets record, but Young, Okafor get victory". chicagotribune.com (ing basa Inggris). Dijupuk 2020-02-23. 
  6. Narang, Bob (2014-03-10). "9 Athlete of the Month: Stevenson's Jalen Brunson". Chicago Tribune. Dijupuk 2020-02-23. 
  7. Helfgot, Mike. "Boys basketball: Jalen Brunson, Stevenson win first state title". chicagotribune.com. Dijupuk 2020-02-23. 
  8. "U18 Men Notch Record-Setting Win". www.usab.com (ing basa Inggris). Dijupuk 2020-02-24. 
  9. "Mens U18 National Team Wins Gold". www.usab.com (ing basa Inggris). Dijupuk 2020-02-24. 
  10. "Dallas Mavericks mengontrak Jalen Brunson selama 4 tahun". Ligaolahraga.com (ing basa Indonesia). Dijupuk 2020-02-23. 
  11. "Mavs delighted after signing rookie point guard Jalen Brunson to four-year contract". The Official Home of the Dallas Mavericks (ing basa Inggris). 2018-07-16. Dijupuk 2020-02-24.