Jago

Saka Wikipédia, bauwarna bébas basa Jawa
Jago kang lagi kluruk

Pitik jago ya iku sebutan kanggo pitik (Gallus gallus) diwasa kang lanang. Dene pitik wadon diarani babon.

Pitik jago nduwèni awak kang bedha lan ora tinemu ing pitik babon utawa kuthuk. Ciri iku mau ana nalika pitik lanang wis diwasa, kayata :

  • Jengger kang luwih dawa/gedhe tinimbang babon
  • Nduwéni lancur, ya iku wulu buntut kang dawa
  • Nduwéni jalu, ya iku perangan lancip kaya balung utawa kuku kang thukul ing sikil
  • Bisa kluruk

Jago nduwèni sifat poligami, ya iku lanang siji kang bisa ngayahi pira-pira babon, nanging ora bisa angkrem. Nalikane awan, umume pitik jago methangkring ana ing papan kang dhuwur sacerake papanbabon padha angkrem, ngawasake sakiwa tengene lan bakal ngetokake suwara pratandha manawa ana bebaya.

Sumber artikel punika saking kaca situs web: "https://jv.wikipedia.org/w/index.php?title=Jago&oldid=1013321"