Kadhaton Osaka
Kadhaton Osaka (大阪城 Ōsaka-jō?) iku salah siji pura kang ana ing Taman Pura Osaka, distrik Chuo-ku, kutha Osaka, Jepang. Pura Osaka ana ing pucuk sisih lor laladan Uemachi, mapan ana ing panggon kang paling dhuwur tinimbang liyané.[1][2]
Pura Osaka iku yasan peninggalan budaya klang dijaga déning papréntahan Jepang. Menara utama Pura Asoka dadi simbole kutha Osaka. Pura Osaka iku kalebu panggon kang paling disenengi para turis nalika dolan ing Jepang.[2]
Pura Osaka digunakaké dadi pura uga bètèng wiwit jaman Azuchi Momoyama nganti jaman Edo. Pura Osaka kanga ana saiki kapérang saka menara utama kang diubengi témbok dhuwur lapis loro lan diubengi kali, kali kang jero (Uchibori) lan kali jaba (Sotobori). Banyu kang digunakaké kango ngaliri kalidijupuk saka Kali Yodo kang ngalir ing sisih lor Pura Osaka.[2] Miturut wong Jepang jaman biyèn, Pura Osaka (大坂城; Ōsaka-jō utawa Ōzaka-jō) ana ing provinsi Setsu (jeneng jaman biyèn kanggo Osaka lan sakiwa tengene), Higashinari Goori, Osaka. Miturut gantine karakter aksara Kanji kang kanggo nulis kutha Osaka ing basa Jepang, jeneng pura Osaka ditulis 大阪城 (Ōsaka-jō).[2]
Cathetan sikil
[besut | besut sumber]- ↑ Media Indonesia.com[pranala mati permanèn]
- ↑ a b c d "clubbing.kapanlagi.com". Diarsip saka sing asli ing 2011-10-02. Dibukak ing 2011-10-02.