Indiana Jones and the Kingdom of the Crystal Skull

Saka Wikipédia Jawa, bauwarna mardika basa Jawa
Indiana Jones and the
Kingdom of the Crystal Skull
Poster ing biyoskup
DisutradaraniSteven Spielberg
DiprodhuseriFrank Marshall
Denis L. Stewart
George Lucas
Kathleen Kennedy
Ditulis déningScreenplay:
David Koepp
Carita:
George Lucas
Jeff Nathanson
DibintangiHarrison Ford
Shia LaBeouf
Cate Blanchett
Karen Allen
Ray Winstone
John Hurt
Jim Broadbent
DimusikiJohn Williams
SinématografiJanusz Kamiński
Dibesut déningMichael Kahn
Dibabar déningParamount Pictures
Tanggal metu
22 Mèi 2008
Suwéné
124 menit
Nagara Amérikah Sarékat
BasaInggris
RantamanUS$185 yuta
Kalarisan$297,5 yuta (26 Mèi 2008)

Indiana Jones and the Kingdom of the Crystal Skull iku sawijining filem petualangan sains fiksi Amérikah Sarékat kang dirilis tanggal 22 Mèi 2008. Film iki disutradarani Steven Spielberg lan panulisané uga diréwangi déning George Lucas.

Sètting caritané ana ing taun 1957, filem iki filem kaping 4 ing siklus Indiana Jones filem lan maragakaké Indiana Jones (Harrison Ford) kang wis luwih tuwa lan wicaksana. Lawan-lawané ing filem iki ya iku para agèn rahasya Uni Sovyèt, kang dibawahi Irina Spalko (Cate Blanchett). Wong-wong Sovyèt kang kuminis iki padha nggolèki cumplung kristal. Indiana Jones utawa dicekak Indy iki ditulungi déning manten pacaré Marion Ravenwood (Karen Allen), sawijining préman 'Mutt' Williams (Shia LaBeouf), lan para arkaéologis kancané kaya ta Mac (Ray Winstone). John Hurt lan Jim Broadbent uga meranaké kaum akadémi liyané.

Film iki ora dadi-dadi sawisé édisi sadurungé, ya iku filem Indiana Jones 3 dibabar ing taun 1989 amarga Spielberg lan Ford mula-mulané ora sarujuk karo pilihané Lucas kang nganggo cumplung kristal minangka piranti plot. Wekasané syuting diwiwiti ing tanggal 18 Juni 2007.