Indèks Rega Saham Gabungan

Saka Wikipédia Jawa, bauwarna bébas abasa Jawa

Indèks Rega Saham Gabungan (Basa Indonesia: Indeks Harga Saham Gabungan, dicekak IHSG, sajeroning Basa Inggris disebut uga Jakarta Composite Index, JCI, utawa JSX Composite) iku salah siji indèks pasar saham sing dipigunakaké déning Bursa Èfèk Indonesia (BEI; biyèn Bursa Èfèk Jakarta (BEJ)). Dikenalaké sepisanan ing tanggal 1 April 1983, minangka indikator perobahan rega saham ing BEJ, Indeks iki nyakup perobahan rega Kabèh saham biyasa lan saham preferen sing kacathet ing BEI. Dina Dhasar kanggo pétungan IHSG ya iku tanggal 10 Agustus 1982. Ing tanggal kasebut, Indeks dikukuhaké kanthi Aji Dhasar 100 lan saham kacathet wektu iku caché 13 saham.[1]

Ing tanggal 10 Oktober 2008, posisi paling dhuwur sing tau digayuh IHSG ya iku 2.830,26 poin sing kacathet tanggal 9 Januari 2008.[2]

Metode pétungan[besut | besut sumber]

Dhasar pétungan IHSG ya iku gunggung Aji Pasar saka total saham sing kacathet ing tanggal 10 Agustus 1982. Gunggung Aji Pasar ya iku total ping-pingan saben saham kacathet (kajaba kanggo prusahaan sing ana ing sajeroning program restrukturisasi) karo rega ing BEJ ing dina kasebut. Formula pétungané ya iku kaya kacetha ing ngisor iki:

ya iku p = Rerga Panutupan ing Pasar Reguler,x = Gunggung Saham, lan d = Aji Dhasar.

Pétungan Indèks makili perobahan rega saham ing pasar/bursa sing dumadi liwat sistem perdagangan lélang. Aji Dhasar bakal disesuaikaké kanthi rikat yèn ana owah-owahan modal emiten utawa ana faktor liya sing ora kagandhèng karo rega saham. Panyesuaian bakal diayahi yèn ana tambahan emiten anyar, HMETD (right issue), partial/company listing, waran lan obligasi konversi semana uga delisting. Yèn kapinujon ana stock split, dividen saham utawa saham bonus, Aji Dhasar ora disesuaikaké amarga Aji Pasar ora kena prabawa. Rega saham sing dipigunakaké sajeroning ngitung IHSG ya iku rega saham ing pasar reguler sing didhasaraké marang rega sing dumadi adhedhasar sistem lélang.[1]

Pétungan IHSG dianakaké saben dina, ya iku sawisé panutupan perdagangan saben dinané. Ing mangsa ngarep, pétungan IHSG bakal bisa diayahi luwih kerep utawa malah bisa saben sawetara menit, bab iki bisa kaleksanan sawisé sistem perdagangan otomasi diimplementasèkaké kanthi apik.[1]

Indèks BEJ liyané[besut | besut sumber]

Ana sawetara indèks saham liyané sing dadi bagýan saka IHSG, ing antarané ya iku:

  1. Indèks Sèktoral
  2. Indèks LQ45
  3. Jakarta Islamic Index (JII)[1]
  4. Kompas 100

Komponèn IHSG[besut | besut sumber]

PirsaniKomponèn Indèks Harga Saham Gabungan

Réferènsi[besut | besut sumber]

Uga delengen[besut | besut sumber]