Houston Rockets
Cithakan:Tim NBA Houston Rockets inggih punika tim [bal basket Amérika ingkang kagabung wonten ing National Basketball Association.[1] Tim punika dumunung wonten ing kutha Houston, Texas.[1] Nama Rockets dipunpilih wonten ing sawijiningpada kontés pamadosan sesanti kutha San Diego nalika klub mau taksih dumunung wonten ing kutha San Diego.[2] Kutha mau minangka papan produksi roket Atlas ingkang dipun-ginakaken déning NASA.[2] Nalika San Diego dados markas NASA, Rockets tetep njaga nama mau éwadéné sampun pindhah dhateng Houston.[2] Houston Rockets sampun njuarai kompetisi NBA kping 2cacahipun, inggih punika rikala taun 1994 lan 1995, nalika dipunmotori déning Clyde Drexler lan Hakeem Olajuwon.[1]
Nalika kapisanan kagabung wonten ing NBA nalika taun 1971/72, Rockets mbekta Elvin Hayes (The Big E) ingkang minangka bintang tim mau. Nanging, satunggal taun candhakipun, Hayes dipuntransfer dhateng klub sanèsipun.[2] Wonten ing taun 1975, Rockets dumugi babak playoff kapisanan ing kompetisi NBA kanthi dipunpimpin déning Calvin Murphy lan forward Rudy Tomjanovich.[2] Setunggal taun candhakipun, Moses Malone, juru main basket kapisanan ingkang mlebet ing kompetisi profésional (American Basketball Association -ABA) sasampuning lulus saking SMA, kagabung kaliyan Houston.[2] Sesarengan kaliyan klub mau, Malone dados pemai paling apik ing NBA lan mbekta Rockets dhateng final wewengkon Timur kanggé kapisanan nalika taun 1977.[2]
Nalika taun 1984, Rockets men-draft Hakeem Olajuwon, ingkang mbekta Rockets dumugi ing 1986 Finals nalika karier angka 2ipun, wonten ing final mau Rockets kawon maih déning Boston Celtics. Nalika 7 season candhakipun, Houston Rockets gagal nglewati babak pisaan play-off kanthi cacah kaping 5. Dumugi pungkasanipun taun 1994 Houston Rockets kasil ngrebut gelar juara NBA ingkag kapisanan, nalika Olajuwon mimpin tim punika dumugi babak final. Rockets wangsul malih pikantuk gelar juara taun 1995. Nanging makaten, sasampuning 2 taun kejayaan mau, Rockets boten naté malih dumugi ing final. malahan gagal duugi ing babak play-off sadanguning periode 1999–2003. Rocket nembé dumugi play-off malih sasampuning men-draft juru main Cina Yao Ming lan kedah nengga dumugi 2009kangge saged lolos saking babak kapisanan play-off.[3]
Nomor ingkang dipunpensiunaken
[besut | besut sumber]- 22 Clyde Drexler, G, 1995-98; ugi minangka penduduk asli Houston sarta minangka juru main bintag University of Houston lan mantan pelatih tim universitas mau, sapunika dados penyiar kanggé Houston Rockets
- 23 Calvin Murphy, G, 1970-83 (Kalebet mangsa pungkasan ing San Diego); ugi penyiar
- 24 Moses Malone, C, 1976-82
- 34 Hakeem Olajuwon, C, 1984-2001
- 45 Rudy Tomjanovich, F, 1970-81; Pelatih Kepala, 1991-2003
- CD Carroll Dawson Asisten pelatih, General Manager 1979-2007. Amargi Dawson boten main kanggé Rockets, saéngga tim migunakaken inisialipun minangka memoriam.[4]
Cathetan suku
[besut | besut sumber]- ↑ a b c Tickets-nba-basketball.com Houston Rockets Hostory. Dipunundhuh tanggal 12 Maret 2013.
- ↑ a b c d e f g Sportsecyclopedia.com Houston Rockets. Dipunundhuh tanggal 12 Maret 2013.
- ↑ "Rockets reach second round for first time since '97". ESPN. April 30, 2009. Dibukak ing Maret 12, 2013.
- ↑ http://www.nba.com/rockets/ Situs resmi
| Artikel iki minangka artikel rintisan. Kowé bisa ngéwangi Wikipédia ngembangaké. |