Hotlin Ompusunggu
Hotlin Ompusunggu (lair ing Sigura-gura, Sumatra Lor tanggal 19 Juli 1974)[1] iku aktivis lingkungan sing nggabungaké upaya pamerdayan masarakat, konservasi wana, lan layanan kasarasan ing Taman Nasional Gunung Palung, Kalimantan Kulon.
Sajarah
[besut | besut sumber]Hotlin yasa yeyasan layanan kasarasan sarta konservasi wana nalika taun 2007 sing dijenengi LSM Alam Sehat Lestari (dicekak ASRI) bebarengan karo dhoktor Romi Beginta.[1] Gagasan awal upaya iki saka kancané, dhokter Kinari asal Amérikah Sarékat, sing nggagasi integrasi antaraning kasarasan karo lingkungan. Hotlin dhéwé dhokter waja lulusan Fakultas Kedokteran Gigi ing Universitas Sumatrera Utara (USU)[2]. Sawisudhané saka USU, Hotlin makarya ing puskesmas suwéné patang taun, tumuli rong taun ing padésan Sumatra Kidul. Dhèwèké banjur mbacutaké sekolah menyang Inggris nedya ngangsu kawruh ngenani kamajuan masarakat lan pandhidhikan luhur ing Redcliffe College University of Glocestershire.[1] Sabaliné saka Inggris, dhèwèké tepungan karo Kinari Webb MD, dhokter kulawarga sing tau ngadani panalitèn ing Gunung Palung. Dhèwèké kadudut atiné marang konsèp Kinari ngenani pamerdaya masarakat kanthi nggabungaké layanan kasarasan lan konservasi.[1].
Kajiwani déning Kinari Webb MD, Hotlin tumandang sarana program konservasi réboisasi sing disartani dhiskon mungguhing layanan kasarasan ing LSM ASRI sing diyasa dhèwèké. Yeyasan Asri diadegaké ing Kacamatan Sukadana bareng Kinari lan Antonia Gorog, nimpuna ékologi lan konservasi sing tau makarya rong taun ing Indonésia dadi puwarah ngèlmiah.[1]