Golongan sosial

Saka Wikipédia Jawa, bauwarna bébas abasa Jawa
Bagan kumpulan organisasi ing Pusdiklat

Gotragotrah, utawa golongan sosial iku kumpulané manungsa sing padha rumangsa nunggal golongan[1] lan padha sesambungan siji karo liyané. Gotrah digawé déning anggota masarakat lan duwé pangaribawa tumrap patraping para anggotané.

Jinis[besut | besut sumber]

Sekolah iku salah siji contoné gotrah.

Miturut Robert Bierstedt, ana akèh jinis gotrah sing bisa dibédakaké saka ana-orané organisasi, gegayutan sosial antarané gotrah, lan kasadharan ing babagan jinis. Bierstedt banjur mérang gotrah ing patang jinis:

  • Gotrah statistik, ya iku kumpulan wong sing dudu organisasi, ora duwé gegayutan sosial sosial, lan kasadharan ing babagan jinis ing antarané anggotané. Tuladhané: Gotrahé wong-wong sing umuré 10-15 taun ing sawijining kacamatan.
  • Gotrah masarakat, ya iku kumpulan wong sing irib-iriban, nanging ora duwé organisasi lan gegayutan sosial antarané anggotané.
  • Gotrah sosial, ya iku kumpulan wong sing anggotané duwé kasadharan ing babagan jinis lan padha sesambungan siji karo liyané, nanging ora kaiket déning iketan organisasi. Tuladhané: kumpulan tetemon lan kumpulan pasaduluran.
  • Gotrah asosiasi, ya iku kumpulan wong sing anggotané duwé kesadharan ing babagan jinis lan duwé irib-iriban ing kawigatèn pribadi utawa kawigatèn umum. Ing gotrah asosiasi, anggota-anggotané nindakaké gegayutan sosial, sesambungan, uga duwé iketan awujud organisasi formal. Tuladhané: nagara lan sekolah.

Rujukan[besut | besut sumber]

  1. ^ Reicher, S.D. (1982). The determination of collective behaviour (pp. 41-83). In H. Tajfel (ed.), Social identity and intergroup relations. Cambridge: Cambridge University Press