Godhong Mangkokan
.jpg)
Godhong Mangkokan ya iku salah sawijiné tetuwuhan. Tetuwuhan mau nduwé paédah kang wigati. Jeneng mangkokan asalé saka wujudé kang mèmper mangkok. Rikala semana, godhong mangkokan mupangaté kanggo wadhah panganan kang ana duduhé. Godhong mangkokan padatané ditandur minangka tuwuhan hias utawa tuwuhan pager, sanajan bisa tinemu ing pinggir kali lan ing ara-ara. Tuwuhan iki jarang lan kadangkala ora tau nduwé kembang. Uripé ing papan kang ora katutup kang bisa kena srengéngé, lan urip ing papan 1 – 200 m dp1.[1]
Nama Liyané
[besut | besut sumber].jpg)
Godhong mangkokan duwé jeneng latin Nothopanax scutellarium Merr.[2] Ing Sunda diarani mamamukan, ing Ambon diarani papeda, ing Makasar diarani mangko-mangko, ing Ternate diarani rau paroro, ing Halmahera diarani sawoko utawa Goma matari, ing Tagalog diarani platitos, ing Manado diarani Daun mangkok. Godhong mangkokan basa Inggrisé diarani saucher leaf utawa sell leaf.[3]
Khasiyat
[besut | besut sumber]Kasiyaté Godhong mangkokan bisa kanggo:
- Ngilangi ambu anyir [4]
- Tamba angel pipis
- Ngurangi rambut rontok
- Tamba radang payudara utawa payudara bengkak[5]
- Tamba luka
Piguna
[besut | besut sumber].jpg)
Godhong mangkokan sing isih enom bisa digunakaké dadi lalapan mentah nalika madhang. Bisa uga digodhog dadi jangan lan ngilangaké ambu amis saka iwak kali lan jeroan sapi utawa wedhus. Ing sajroning godhong iki ngandhut kalsium, alkaloid, saponin, fosfor, vitamin A, vitamin B1, lan vitamin C. Mangkokan bisa uga dadi jamu nglancaraké ASI, ngobati anyang-anyangen lan radhang. Cara nambani ya iku godhongé di godhog banjur dipangan. Khasiat kang kawentar saka godhong iki ya iku nyuburaké rambut, nambah ireng rambut, lan ngurangi rambut mbrodhol. Carané ya iku didheplok lan dibaluraké ing sirah. Mangkokan bisa uga dadi piranti campuran sampo.
Cathetan suku
[besut | besut sumber]- ↑ lezatgrup.com: Khasiat Daun Mangkokan Archived 2016-03-05 at the Wayback Machine. (diaksès tanggal 25 Agustus 2012)
- ↑ Detik.com: Herbal-mangkokan (diaksès tanggal 24 Agustus 2012)
- ↑ iptek.net.id: Mangkokan Archived 2010-05-20 at the Wayback Machine. (diaksès tanggal 24 Agustus 2012)
- ↑ khasiatbuah.com: Khasiat Daun Mangkokan Archived 2012-08-20 at the Wayback Machine. (diaksès tanggal 24 Agustus 2012)
- ↑ mytrans.com: Payudara Bengkak? Atasi dengan Daun Mangkokan (diaksès tanggal 25 Agustus 2012)