Glali
 |
 |
Glali ya iku panganan kang digawé saka pintalan gula kang dibakar dhisik.[1] Panganan iki pisanan dikenalke ing taun 1904 déning William Morrison lan John C. Wharton, ing St. Louis World's Fair kanthi nama "Fairy Floss" (benang peri) kanthi sukses.[1] Dhèwèké kasil adol 68.655 kotak kanthi rega kang lumayan larang, ya iku AS$0,25, utawa setengah saka rega tiket mlebi ing pameran iku.[1]
Glali digawé saka gula kang diwènèhi warna panganan.[2] Mesin gulali modern cara kerjane nganggo cara kang padha kayan mesin-mesin kang lawas.[2] Pérangan tengah mesin iku ana wadhah cilik.[2] Ing jerone dileboni gula lan pewarna paangonon.[2] Pemanas cedhaké pinggir wadhah iku gunané kanggo nglumerke gula, kang sateruse diputer lewat bolongan ncilik lan asile dipadetke déning angin.[2] Banjur benang-benang iku mau dikumpulke ing wadhah wesi kang gedhé.[2] Operator mesin kanggo muter ya iku kayu cilik utawa kertas karton kang digawé wujud kerucut (wong-wong kang wis pengalaman racaké nggunakaké tangane dhéwé) pinggire wadhah gedhé mau kanggo ngumpulake.[2]
Glali rasané legi lan kelet.[2] Amarga ketok kaya benang wol, gelali rikat mlumer yèn ing jero cangkem.[2] saliyané iku uga rikat kelet yèn kena uwab banyu.[2]