Gilbert H. Herdt

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Gilbert H. Herdt ya iku ahli antropologi saka Kansas, Amérikah Sarékat, kalairan ing tanggal 24 Fébruari 1949[1]. Pandhidhikan pawiyatan luhur Gilbert naté ing California State University, olih gelar BA ing taun 1971 lan MA ing taun 1972[1]. Sabanjuré ing University of Washington lan dadi kandidat antropologi MA, Ph.D. ing taun 1973[2]. Gilbert uga olih gelar Ph.D. saka Australian National University, Institute for Advanced Studies ing taun 1978, paska doktor saka University of California, Los Angeles, Neuropsychiatric Institute ing taun 1979. Panlitian lapangan antropologis sing linakoni déning Gilbert ya iku antarané ana ing California (taun 1970), Papua Nugini (taun 1974, 1979, 1981), lan Illinois (1986)[1]. Karya-karya akademis sing sinerat déning dhèwèké ya iku Guardian of the Flutes: Idioms of Masculinity (taun 1981), Intimate Communications: Erotics and the Study of Culture (taun 1990), Children of Horizons: How Gay and Lesbian Teenagers are Leading a New Way Out of the Closet (taun 1993), lan Same Sex, Different Cultures: Perspectives on Gay and Lesbian Lives (taun 1997)[1][3]. Minangka antropolog budhaya, dhèwèké digladhèn ing tradisi panlitian ètnogarafis. Gilbert iki suksès ngembangaké téori psikoanalitis klasik lan psikiatri modern marang kajian lintas-budaya ing sèksualitas, jènder, lan pangembangan manungsa[2].

Rujukan[besut | besut sumber]

  1. a b c d Amit, Vered, (ed) (2004). Biographical dictionary of social and cultural anthropology. London: Routledge. k. 333. ISBN 020364459X. OCLC 436848672. 
  2. a b "Gilbert H Herdt". Hachette Book Group (ing basa Inggris). 2017-06-27. Dijupuk 2018-01-17. 
  3. Sexual Inequalities and Social Justice (ing basa Inggris).