Gedung Eks Pengadilan Semarang
Gedung Eks Pengadilan Semarang ya iku yasan kuna ing Kawasan Kota Lama Semarang. Saikiné yasan iki wis dadi Rumah Makan Ikan Bakar Cianjur cabang Semarang. Dumunung ing Jalan Létjen. Suprapto No. 23 Semarang ya iku ing ngarepé Gréja Blendhuk utawa Gréja Immanuel. Ing wisata kutha lama Semarang, lan iki uga dadi salah sawijining papan panggonan plesiran.
Miturut data saka Balai Arkéologi Yogyakarta, yasan mligi setangkup lan ana facadene kebagi saka telu trafe. Wangunan ora tingkat lan madep lor. Tembok sisih kulon tumèmplèk témbok sel tahanan. Ana atap pelana kang wujudé sudut punjul 45 derajat. Kebagi saka rong yasan (ngarep lan mburi) lan atap kang kepisah.
Wangunan kang sisih ngarep luwih dhuwur saka yasan kang sisih mburi. Ing kono ana lawang utama kang kaapit cendéla cacah loro ing tengen lan kiwa. Lawang utama kasusun saka rong lawang, uga cendelané.[1]
Gedhung iki nggabungaké unsur utama pusat kutha nalika jaman mbiyen. Kadeleng saka ciri struktur mligi, ya iku kemiringan atap kang tajam lan ora anané serambi ing saubengé, yasan iki kaleb yasan Walanda saka abad XVIII. Ukiran kerawang ing dhuwur lawang kang ana ing hall utama duwé motif kembang-kembang gaya Éropah, nanging nuduhaké prabawa Cina.
Wangunan iki wis diduwèni pihak swasta nanging kudu tetep digatekaké anggoné ngopéni. Aja nganti dadi yasan mangkrak kaya déné yasan liyané. Pamaréntah Kutha Semarang kudu ngawasi kanthi tenanan supaya dadi papan pelestarian Benda Cagar Budaya kang wutuh.[2]