Gapura

Saka Wikipédia Jawa, bauwarna bébas abasa Jawa

Gapura utawi Gopuram utawi Gopura, inggih punika menara ingkang dipundamel kanggé monumèn, limrahipun gapura wonten ing lawang mlebet nalika badhé mlebet wonten ing komplek candhi, mliginipun ing wewengkon India Kidul.[1] Wujudipun ingkang misuwur lan spesial wonten ing bangsa Koils, jinis Candhi Hindhu, lan arsitèktur gaya bebrayan Dravida ingkang wonten ing nagari India.[1] Wonten ing pucuk inggilipun wonten kalasam utawi watu ingkang memper kaliyan tela (umbi).[2] Gapura aslinipun saking struktur yasan tiyang Tamil nalika rajanipun Pallavas.[3]

Gapura ugi saged sinebat pintu gerbang dhateng satunggalipun wewengkon tartamtu.[2] Gapura asring dipuntingali ing pura lan panggènan suci agami Hindhu, amargi gapura kalebet unsur ingkang wigatos wonten ing arsitèktur agami Hindhu.[2] Wonten ing babagan arsitèktur, gapura asring ugi sinebat kanthi tetembungan entance.[2] Ananging Entance boten saged dipunsebat gapura. Simbol ingkang dipunkajeng wonten mriki saged ugi dipuntegesi satunggaling wewengkon utawi area.[2] Miturut hirarki, gapura saged dipunsebat minangka ikon amargi gapura punika asring dados komponen ingkang wiwitan ingkang saged dipuntingali nalika kita badhé mlebet satunggalipun wewengkon tartamtu.[2]

Cathetan suku[besut | besut sumber]

  1. ^ a b [Francis D.K., Ching et al. 2007. A Global History of Architecture. New York:John Wiley and Sons]
  2. ^ a b c d e f [Francis D.K. & Ching. 1995. A Visual Dictionary of Architecture. New York:John Wiley and Sons]
  3. ^ [Mitchell, George. 1988. The Hindu Temple. Chicago:University of Chicago Press]

Pranala njawi[besut | besut sumber]