Ferry Curtis

Saka Wikipédia Jawa, bauwarna mardika basa Jawa

Ferry Curtis (lair ing Wanayasa, Purwakarta, Jawa Barat, 20 Oktober 1969; umur 54 taun) ya iku salah sijiné seniman musik saka, Jawa Kulon, Indonesia. Pakaryané awujud musik puisi balada wis diaturaké marang masarakat minangka kanggo ngunggahké minat maca. Dhèwèké wis gelar pakaryané ing sakpérang kutha Indonésia. Saliyané main musik, Ferry Curtis uga mimpin Balad Cahaya Foundation, dadi narasumber ing sakpérang yeyasan pengembangan unggulan lokal MHMMD (Mengelola Hidup dan Merencanakan Masa Depan) ing pelosok Indonesia bebarengan karo Marwah Daud Ibrahim Ph.D.[1]

Riwayat[besut | besut sumber]

Ferry Curtis lair ing Kabupatèn Purwakarta, Jawa Kulon, 20 Oktober 1969. Ngrampungké pawiyatan ing ASTI-STSI (Sekolah Tinggi Seni Indonesia) Bandung, Jurusan Téater ing taun 1994. Taun 1990-2002 Ferry Curtis mèlu nyengkuyung pitung pagelaran téater minangka paraga. Luwih saka pat belas pagelaran téater Ferry kajibah dadi panata musik. Naté mèlu kiprah ing sakpérang kelompok téater ing Bandung, antarané KPH – Kelompok Payung Hitam, Sanggar Kita, Studio Teater STSI, Laskar Panggung, lan Bandung Mooj. Ferry Curtis uga ngadegaké sakpérang komunitas musik, ya iku Lain DEKRESIK – Depot Kreasi Seni Musik STSI, Eksperimental Musik, Avonture, Pigura Kecil lan Ferry Curtis & Friends.[2]

Pagelaran musik Ferry Curtis akehé dilakoni ing pawiyatan-pawiyatan, pusat kabudayan, lan kutha-kutha ing Indonesia. Ing taun 1998 dhèwèké miwiti konser tunggal ing Lombok, Nusa Tenggara Barat. Kacathet, dhèwèké wis nganakaké pagelaran tunggal cacahé 29 kanti irah-irahan kang manekawarna. Telung album kang wis dikasilké ya iku: Live In Concert Ferry Curtis – 2003, Tawis Soca (Cendera Mata) 2003, lan Sahabat Cahaya – 2004. Telung album kompilasi religi lan album kapapat tembé dirampungke ana ing taun 2013.[3]

Sakpérang pakaryané para sastrawan sing wis digawé musik antarané Saini KM, WS.Rendra, Suyatna Anirun, Juniarso Ridwan, Nenden Lilis, Acep Zamzam Noer, Soni Farid Maulana, Diro Aritonang, Moh. Sunjaya, R. Budi Sabarudin, Dedy koral, Mat Don, Soerya Disastra, Eti RS, Rachmat M.Sas Karana, Godi Suwarna, lan Meitha KH. Prof. Saini KM ana ing salah siji seratané mratelakaké yèn Ferry Curtis iku salah sijiné seniman musik kang nduwéni interpretasi lirik lan kang mumpuni..[4]

Ferry Curtis karo Katon Bagaskara (musisi) lan dr. Wachyudi Muchin uga bebarengan nggawé wadhah Yayasan Baca Indonesia, kang tansah nyebarké kampanye mandahnéya wigatiné maca kanggo bebrayan ing pelosok Indonesia. Program Gerakan Membaca kang wis dicakaké ya iku ing Pamarintah Kutha Makassar (GMGM - Gerakan Makassar Gemar Membaca, 2007), Provinsi Gorontalo (GGGM - Gerakan Gorontalo Gemar Membaca, 2008), Pemerintah Kota Bau Bau Buton – Sulteng (GBGM - Gerakan Bau Bau Gemar Membaca. 2009), lan Provinsi Jawa Wétan (GAJTM - Gerakan Anak Jawa Timur Gemar Membaca, kang diresmekké ing wulan November 2009).[5]

Pakaryan[besut | besut sumber]

  • Live In Concert Ferry Curtis – 2003
  • Tawis Soca (Cendera Mata) 2003
  • Sahabat Cahaya – 2004

Rujukan[besut | besut sumber]

  1. Profile Ferry Curtis, dideleng 8 Februari 2015
  2. Common Room, dideleng 8 Februari 2015
  3. "Pikiran Rakyat, dideleng 8 Februari 2015". Diarsip saka sing asli ing 2015-02-08. Dibukak ing 2017-04-21.
  4. Meditasi Samodra, dideleng 8 Februari 2015[pranala mati permanèn]
  5. Inilah.com, dideleng 8 Februari 2015