Marwah Daud Ibrahim
Marwah Daud Ibrahim, Ph.D. (lair ing Soppeng, Sulawesi Selatan, 8 Novèmber 1956; umur 68 taun) ya iku salah sijiné pulitikus saka Indonésia. Dhèwèké naté kapilih dadi anggota Dewan Perwakilan Rakyat Republik Indonesia (DPR RI) telung kala mangsa. Marwah uga naté dadi asistèn paneliti UNESCO lan Bank Dunia..[1][2]
Riwayat
[besut | besut sumber]Marwah Daud Ibrahim lair ing Kabupatèn Sopeng, Sulawesi Kidul, tanggal 8 Novèmber 1956. Sopeng mau adohé kira-kira rong atus kilomèter sakloré Kutha Makassar.[3][4] Awit isih sinau ing sekolah dhasar, dhèwèké wis ngatonaké kapinterané, malahan dhèwèké lulus durung nganti kelas enem. Marwah sabanjuré neruské ing Sekolah Menengah Pertama (SMP) Negeri Pacongkang, lan rampung taun 1970. Sawisé kuwi, dhèwèké sekolah ana ing Sekolah Pendhidhikan Guru (SPG) Negeri Soppeng, nanging lagi kelas loro, dhèwèké pindah ing SPG Negeri I Ujung Pandang, rampung taun 1973.[5]
Ing taun 1974 kanggo kapisan, tanpa dikira-kira dhèwèké tekan Jakarta lan lumebu ing Pura Negara jalaran diundang déning présidhèn. Dhèwèké kapilih minangka siswa tuladha sa-Sulawesi Kidul.
Awit saka kuwi, dhèwèké banting setir, ora duwé kekarepan manèh dadi guru kaya déné ramané. Dhèwèké neruské ing Fakultas Ilmu Sosial Pulitik Jurusan Komunikasi Universitas Hasanudin kang dirampungké taun 1981. Sabanjuré, dhèwèké kapilih manèh minangka mahasiswa tuladha saka Sulawesi lan mèlu ing forum nasional ing Jakarta, ketemu presidhen lan para tuladha liya saindhengé Indonésia. Marwah banjur kawentar minangka pagiat ing pawiyatané.[6]
Kanthi éntuk beasiswa, dhèwèké nggegana ing Amérikah Sarékat, ngangsu kawruh lan ngranggèh gelar Master ing American University, Washington DC, Jurusan Komunikasi Internasional, taun 1982. Ing Amérika dhèwèké nyambi makarya minangka asistèn paneliti UNESCO, lan Bank Dunia.
Sawisé éntuk gelar Master, dhèwèké makarya ing Badan Pusat Penerapan Teknologi (BPPT) kang dibawahi B.J. Habibie. Saka kono, dhèwèké nampa béasiswa manèh kanggo sekolah ing Amérika ing pawiyatan sadurungé, lan nampa gelar doktor taun 1989.
Samulihé saka Amérikah Sarékat, dhèwèké lumebu organisasi ICMI (Ikatan Cendekiawan Muslim Indonesia), lan diwenèhi kapracayan kanggo njabat Sekretaris Umum. Saliyané kuwi, dhèwèké uga duwé laku ing Partai Golkar, lan dadi anggota Dewan Perwakilan Rakyat suwéné telung kala mangsa.[7][8]
Pendhidhikan
[besut | besut sumber]- SD Pacongkang, Sulsel (1967)
- SLTP di Pacongkang, Sulsel (1970)
- SPG Negeri 1 Makassar (1973)
- S1 Univ. Hasanuddin Makassar (1981)
- S2 The American University Washington DC (1984)
- S3 The American University Washington DC
Lakuné
[besut | besut sumber]- Anggota DPR RI
- BPP Teknologi
- Staff KBRI, Washington DC
- Asisten Paneliti Bank Dunia
- Dosen Pasca Sarjana
- Pelatih Utama MHMMD
- Presidium Ikatan Cendekiawan Muslim Indonesia (ICMI)
- Ketua Yayasan Padepokan Dimas Kanjeng Taat Pribadi
Bebungah
[besut | besut sumber]Uga delengen
[besut | besut sumber]Rujukan
[besut | besut sumber]- ↑ Tokoh Indonesia, dideleng 9 Feb 2015[pranala mati permanèn]
- ↑ Merdeka.com, dideleng 9 Feb 2015
- ↑ News Detik, dideleng 9 Feb 2015
- ↑ Kapan Lagi, dideleng 9 Feb 2015
- ↑ Tribun News, dideleng 9 Feb 2015
- ↑ Viva News, dideleng 9 Feb 2015
- ↑ "Tempo.co, dideleng 9 Feb 2015". Diarsip saka sing asli ing 9 February 2015. Dibukak ing 21 April 2017.
{{cite web}}: More than one of|archivedate=and|archive-date=specified (pitulung); More than one of|archiveurl=and|archive-url=specified (pitulung) - ↑ "AtjehPost, dideleng 15 Juni 2016". Diarsip saka sing asli ing 2016-08-12. Dibukak ing 2017-04-21.
{{cite web}}: More than one of|archivedate=and|archive-date=specified (pitulung); More than one of|archiveurl=and|archive-url=specified (pitulung)