Eri Agus

Èri Agus inggih punika salah sawijining pengusaha ukiran Jepara ingkang misuwur ing Jawa Tengah. Èri Agus punika juragan saking perusahaan mèbel Jepara Asia Mas Furniture ingkang ngrintis usahanipun saking nul lan boten gadhah ilmu babagan kayu utawi ukiran amargi piyambakipun saking lulusan Jurusan Perencanaan Wilayah lan Kota ing Universitas Diponegoro. Kalih taun salajengipun, piyambakipun ngrumaosi menawi nyambut damel ing kantor punika bènten kaliyan bakatipun Èri Agus. Lajeng piyambakipun langkung milih kondur dhateng kampung halaman, Jepara. Saking ngriku, karieripun Èri Agus ing jagad mèbel dipunwiwiti amargi kepengin dhateng tiyang-tiyang ingkang sampun suksès ing bisnis mèbel Jepara, piyambakipun lajeng tumut.

Wiwit usaha

Pengusaha ukiran ingkang gadhah yuswa 42 taun menika sampun jelèh amargi sakmenika kathah usaha ukiran ingkang dipunkuwaosi modal asing lan kahanan menika njalaraken kathah pengusaha ukiran asli saking Jepara ingkang bangkrut. Para buruh ukir ugi kathah ingkang dados rekasa lan boten betah amargi juragan asingipun menika kathah ingkang galak lan itungan. Kedadeyan menika njalaraken Èri Agus kedah ngubah kahanan ingkang wonten ing tlatahipun. Warsa 2010, Èri Agus mbangun perusahaan mèbel kanthi nama Jepara Asia Mas Furniture. Gegayuhanipun supados para pengrajin ukir ing Jepara saged nggadhahi kasil ingkang langkung saé lan saged nguripi kaluwarganipun. Ing perusahaanipun, Èri Agus mbangun swasana kaluwarga antawisipun juragan kaliyan andhahan supados kawujud swasana makarya ingkang saé lan para andhahan ugi kepénak.

Swasana ingkang kepenak punika dipunwujudaken kanti nganggep tukangipun sami kaliyan kaluwarganipun. wonten ing pabrik Èri Agus ugi asring ngluruhi tukangipun setunggal mbaka setunggal ingkang wonten ing Kecamatan Batèalit, Jepara. Menawi wonten ing pabrik, Èri Agus ugi mriksa saben pagawéyan mèbel ngagem resin, ingkang punika minangka punjer bisnis usahanipun. Ingkang mangkono dadosaken swasana ingkang kathah srawung kaliyan rasa paseduluran ingkang kethel. Eri Agus ugi mbangun konsèp usaha kanthi mangkono supados anggènipun makarya menika saged betah lan ingkang nyambut damel ugi saged rukun. Èri Agus miwiti usaha mèbelipun punika kanthi 7 tukang saking tangga tepalihipun. Usaha dipunwiwiti saking nul amargi boten gadhah ilmu punapa kémawon babagan mèbel lan kayu. Amargi riyin Èri Agus punika sampun wiwit gladhèn saking bagian administrasi, personalia, dumugi outsourching supados saged gadhah ilmunipun saged kanggé ing salajenipun.

Alesan usaha

Anggènipun mbangun usaha mèbel punika amargi Èri Agus nggadhahi pengalaman ingkang boten saé babagan nyambut damel ing pabrikipun wong Landa. Juraganipun wontenpabrik kala riyin punika galak sanget lan kathah andhahan ingkang dipunperlakokaken kaya ta batur. Kahanan punika dadosaken kerja tim-ipun rekasa lan ringkih lajeng Eri Agus medal saking pegawéyanipun ing pabrik Landa punika. Saking ngriku Èri Agus wiwit menggalih menawi tiyang Jepara menika ugi saged ngadeg kiyambak tanpa nyuwun pitulungan saking modalipun tiyang asing. Èwadene Eri Agus punika boten nggadhahi ilmu babagan pertukangan amargi saking lulusan Ilmu Perencanaan Wilayah dan Kota Universitas Diponegoro, ananging piyambakipun langkung milih medal saking pagawèyanipun lan balik dhateng dèsa supados mbangun usaha ing dèsanipun, inggih punika ing Jepara. Èri Agus pitados menawi para warga Jepara saged berdikari tanpa migunakaken modal asing. Èri Agus kepengin ningali mèbel ing Jepara punika majeng kanthi saklajengipun dening tiyang-tiyang kréatip saking Jepara ing wingkingipun. Ingkang mangkono saged dados bukti menawi masarakat Jepara punika adidaya lan saged saingan kaliyan wong asing ingkang sampun dangu mlebet ing usaha mèbel Jepara.

Jinis mebel

Anggènipun usaha mèbel ing pabrikipun Èri Agus kiyambak inggih punika Jepara Asia Mas Furnituré, ndamel manéka warna mebel kaya ta kursi, méja, ambèn, lemari, ugi sanèsipun ingkang nggadhahi ukiran. Titikan saking mèbelipun Eri Agus inggih punika mèbelipun ingkang klasik lan gadhah ukiran ingkang bènten kaliyan sanèsipun. Amargi mèbel klasik punika saged mandhap pasaranipun lajeng Èri Agus ngrembakakaken mèbelipun dados mèbel ingkang kanthi resin. Gabungan mèbel kaliyan resin punika angsal kawigaten ingkang kathah saking konsumèn.

Cara masarake

Èri Agus masaraken mèbelipun kanthi cara ngirim katalog produk anyar dhateng sedaya ingkang badhe mundhut mèbelipun awit warsa 2003 kanthi cara layang elektronik utawi email. Èri Agus ugi masaraken mèbelipun ing paméran-paméran supados kathah ingkang remen kaliyan produkipun punika. Ing paméran punika Èri Agus ugi saged mangertosi kados pundi watak saking calon pamundhutipun. Mèbel saking pabrik Asia Mas Furnituré punika dipunpasaraken dhateng manca negara kaya ta China, Timur Tengah, lan Éropa.