Dwilingga

Saka Wikipédia Jawa, bauwarna mardika basa Jawa

Dwilingga ya iku tembung lingga kang dirangkep. pangrangkepé tembung lingga iki ana kang karengkep wutuh lan ana kang karangkep mawa owah-owahan swara. Tembung lingga kang karengkep wutuh sinebut dwilingga lan kang karangkep mawa owah-owahan swara sinebut dwilingga salin swara. Tuladaha ing ngisor iki kang (a) kalebu dwilingga lan kang (b) kalebu dwilingga salin swara. (a) takon → takon-takon (b) takon → tokan-takon

   gedhé → gedhé-gedhé                         gedhé → gedha-gedhé
   celuk → celuk-celuk                         celuk → celak-celuk
   gelem → gelem-gelem                         gelem → gelam-gelem
   watuk → watuk-watuk                         watuk → wotak-watuk

Ana tembung sing wujudé memper tembung dwilingga lan dwilingga salin swara,nanging sajatiné ora kagolong tembung dwilingga utawa dwilingga salin swara. Ing ngisor iki tuladhané : (c) abang-abang (d) ontang-anting

   ondhé-ondhé                                 gojag-gajeg
   arem-arem                                   grusa-grusu
   anting-anting                               wora-wari
   alun-alun                                   wira-wiri

Tembung-tembung (c) lan (d) ing dhuwur ora kalebu tembung dwilingga amergané tembung-tembung mau ora bisa diluru utawa digoleki linggané. Tembung mau ana kang ngarani dwilingga semu. Sarehné kalebu golonané tembung, dwilingga lan dwilingga salin swara bisa diwuwuhi imbuhan kang awujud ater-ater, seselan, utawa panambang.Tuladha: jambak → dijambak, njambak, kajambak

        jambakan, jambakké, jambakna
        jambak-jinambak