Dota 2

Saka Wikipédia Jawa, bauwarna mardika basa Jawa

Dota 2 ya iku sawiji dolanan multiplayer online battle arena, sèkuèl saka Defense of the Ancients ing Warcraft 3: Reign of Chaos lan Warcraft 3: The Frozen Throne. Dota 2 dirembakakaké déning Valve Corporation lan terbit Juli 2013. Dota 2 bisa disolahaké sarana gratis sajeroning sistem operasi Microsoft Windows, OS X lan Linux. Dota 2 bisa disolahaké sarana èksklusif lumantar distributor resmi Valve, Steam.

Dota 2 disolahaké déning 2 tim sing anggotané 5 juru main, saben tim nduwéni markas sing ana ing pojok petha. Saben markas duwé sabangunan sing diarani Ancient, panggoné tim kudu ngupaya ngleburaké Ancient tim mungsuh supaya bisa menangaké tetandhingan. Saben juru main ngendhalèkaké sakarakter Hero sing tujuné ya iku ngunggahaké level, nglumpukaké gold, tuku item lan merangi tim mungsuh supaya menang.