ꦣꦭꦁ
ꦗꦮ
|
ꦣꦭꦁ ꦲꦶꦁ ꦢꦺꦴꦚ ꦥꦮꦪꦁꦔꦤ꧀ ꦲꦶꦏꦸ ꦮꦺꦴꦁ ꦏꦁ ꦒꦣꦃ ꦏꦥꦿꦶꦒꦼꦭ꧀ꦭꦤ꧀ ꦩꦲꦶꦤ꧀ꦤꦏꦺ ꦮꦪꦁ ꦲꦸꦠꦮ ꦏꦁ ꦥꦶꦤ꧀ꦠꦼꦂ ꦤ꧀ꦝꦭꦁ. ꦧꦶꦪꦺꦤ꧀, ꦏꦥꦿꦶꦒꦼꦭ꧀ꦭꦤ꧀ ꦲꦶꦏꦶ ꦢꦶꦮꦫꦶꦱ꧀ꦱꦏꦺ ꦠꦸꦫꦸꦤ꧀-ꦠꦸꦩꦸꦫꦸꦤ꧀.
ꦣꦭꦁ ꦢꦸꦮꦺ ꦥ꦳ꦸꦁꦱꦶ ꦢꦢꦶ ꦱꦸꦠꦿꦣꦫ, ꦥꦚꦼꦫꦠ꧀ ꦭꦏꦺꦴꦤ꧀, ꦤꦫꦠꦺꦴꦂ, ꦗꦸꦫꦸ ꦩꦲꦶꦤ꧀ ꦏꦫꦏ꧀ꦠꦼꦂ, ꦥꦚꦸꦱꦸꦤ꧀ ꦲꦶꦫꦶꦁꦔꦤ꧀, ꦥꦼꦱꦶꦤ꧀ꦝꦺꦤ꧀, ꦥꦤꦠ ꦥꦁꦒꦸꦁ, ꦥꦼꦤꦫꦶ ꦭꦤ꧀ ꦭꦶꦪꦤꦺ ꦢꦢꦶ ꦢꦸꦮꦺ ꦏꦼꦩꦩ꧀ꦥꦸꦮꦤ꧀ ꦲꦏꦺꦃ ꦏꦁꦒꦺꦴ ꦩꦶꦩ꧀ꦥꦶꦤ꧀ ꦥꦒꦼꦭꦂꦫꦤ꧀.
ꦲꦤ ꦲꦸꦒ ꦲꦶꦱ꧀ꦠꦶꦭꦃ ꦣꦭꦁ ꦗꦼꦩ꧀ꦧ꧀ꦭꦸꦁ ꦏꦁ ꦲꦺꦴꦫ ꦔꦁꦒꦺꦴ ꦥꦿꦁꦏꦠ꧀ ꦮꦪꦁ ꦏꦁꦒꦺꦴ ꦱꦫꦤ ꦕꦫꦶꦠ ꦲꦶꦁ ꦔꦁꦒꦺꦴ ꦠꦸꦠꦸꦂꦫꦤ꧀ ꦏꦠ ꦪ ꦤꦸꦠꦸꦂꦫꦏꦺ ꦢꦺꦴꦔꦺꦁ.
ꦲꦶꦱ꧀ꦠꦶꦭꦃ
[besut | besut sumber]ꦠꦼꦩ꧀ꦧꦸꦁ ꦣꦭꦁ ꦲꦱꦭ꧀ꦭꦺ ꦱꦏꦶꦁ ꦢꦃꦪꦁ ꦏꦁ ꦠꦼꦱꦼꦱ꧀ꦱꦺ ꦩꦺꦩ꧀ꦥꦼꦂ ꦏꦫꦺꦴ ꦠꦧꦶꦧ꧀. ꦲꦶꦁ ꦠ꧀ꦭꦠꦃ ꦗꦮ ꦠꦼꦩ꧀ꦧꦸꦁ ꦲꦶꦏꦶ ꦲꦸꦒ ꦢꦸꦮꦺ ꦩꦏ꧀ꦤ ꦔꦸꦢꦭ꧀ ꦥꦶꦮꦸꦭꦁ ꦲꦸꦠꦮ ꦲꦩ꧀ꦧꦺꦧꦺꦂꦫꦏꦼꦤ꧀ ꦔꦺꦭ꧀ꦩꦸ, ꦲꦮꦺꦃ ꦥꦼꦚ꧀ꦕꦼꦫꦃꦲꦤ꧀ ꦏꦁꦒꦺꦴ ꦥꦩꦶꦂꦱꦤꦺ.
ꦣꦭꦁ ꦮꦪꦁ ꦏꦸꦭꦶꦠ꧀ ꦲꦸꦒ ꦏꦊꦧꦼꦠ꧀ ꦥꦮꦺꦴꦁꦔꦤ꧀ ꦲꦶꦁꦏꦁ ꦒꦣꦃ ꦏꦥꦿꦶꦒꦼꦭ꧀ꦭꦤ꧀ ꦥꦩꦶꦗꦺꦤ꧀ (ꦩꦶꦫꦸꦁꦒꦤ꧀) ꦧꦧꦒ꧀ꦒꦤ꧀ ꦲꦤ꧀ꦝꦭꦁ. ꦣꦭꦁ ꦧꦶꦱ ꦕꦫꦶꦠ ꦱꦼꦢꦭꦸ ꦤꦠꦱ꧀ ꦲꦶꦁꦏꦁ ꦢꦶꦥꦸꦤ꧀ꦱꦼꦏꦸꦪꦸꦁ ꦢꦺꦤꦶꦁ ꦥꦼꦁꦫꦮꦶꦠ꧀, ꦥꦼꦱꦶꦤ꧀ꦝꦺꦤ꧀, ꦔ꧀ꦒꦶꦤꦏ꧀ꦏꦏꦼꦤ꧀ ꦒꦩꦼꦭ꧀ꦭꦤ꧀, ꦮꦪꦁ, ꦱꦺꦴꦤ꧀ꦱꦶꦱ꧀ꦠꦼꦩ꧀, ꦭꦤ꧀ ꦥꦁꦒꦸꦁ.
ꦥꦏꦼꦩ꧀ ꦕꦫꦶꦠ ꦲꦶꦁꦏꦁ ꦏꦒꦼꦭꦂ ꦲꦺꦱ꧀ꦠꦸꦤꦶꦥꦸꦤ꧀ ꦏꦛꦃ ꦱꦔꦼꦠ꧀ ꦲꦶꦁ ꦲꦤ꧀ꦠꦮꦶꦱ꧀ꦱꦶꦥꦸꦤ꧀ ꦫꦩꦪꦤ ꦭꦤ꧀ ꦩꦲꦧꦫꦠ ꦱꦲ ꦕꦫꦶꦠ ꦲꦱ꧀ꦭꦶ ꦆꦤ꧀ꦝꦺꦴꦤꦺꦱꦶꦪ ꦲꦤ꧀ꦠꦮꦶꦱ꧀ꦱꦶꦥꦸꦤ꧀ ꦢꦺꦮ ꦫꦸꦕꦶ, ꦱꦸꦢꦩꦭ ꦭꦤ꧀ ꦱꦤꦺꦱ꧀ꦱꦶꦥꦸꦤ꧀.
ꦲꦶꦁ ꦱꦗꦼꦫꦺꦴꦤꦶꦁ ꦥꦒꦼꦭꦂꦫꦤ꧀ ꦣꦭꦁ ꦲꦸꦒ ꦒꦣꦃ-ꦒꦣꦃ ꦏꦸꦮꦗꦶꦧ꧀ꦧꦤ꧀ (ꦥꦼꦫꦤ꧀) ꦲꦶꦁꦏꦁ ꦏꦛꦃ ꦲꦶꦁ ꦲꦤ꧀ꦠꦮꦶꦱ꧀ꦱꦶꦥꦸꦤ꧀ ꦢꦢꦺꦴꦱ꧀ ꦲꦏ꧀ꦠꦺꦴꦂ ꦠꦸꦁꦒꦭ꧀, ꦥꦿꦤꦠ ꦒꦼꦤ꧀ꦝꦶꦁ, ꦱꦸꦠꦿꦣꦫ, ꦥꦫꦒ (ꦗꦸꦫꦸ ꦩꦲꦶꦤ꧀), ꦥꦿꦤꦠ ꦱꦧꦼꦠ꧀ (ꦒꦼꦫꦏ꧀), ꦥꦿꦤꦠ ꦥꦁꦒꦸꦁ, ꦥꦿꦤꦠ ꦏꦼꦱꦼꦤꦶꦪꦤ꧀ ꦥꦒꦼꦭꦂꦫꦤ꧀, ꦭꦤ꧀ ꦱꦤꦺꦱ꧀ꦱꦶꦥꦸꦤ꧀.
ꦲꦶꦁ ꦗꦩꦤ꧀ ꦏꦶꦤ ꦣꦭꦁ ꦲꦸꦒꦶ ꦱꦶꦤꦼꦧꦠ꧀ ꦣꦃꦪꦁ ꦲꦶꦁꦏꦁ ꦔꦼꦩꦸ ꦮꦼꦂꦢꦶ ꦥꦮꦺꦴꦁꦔꦤ꧀ ꦥꦶꦤꦸꦚ꧀ꦗꦸꦭ꧀ ꦲꦶꦁ ꦧꦧꦒ꧀ꦒꦤ꧀ ꦏꦼꦧꦠꦺꦴꦱ꧀ꦱꦤ꧀ ꦲꦸꦠꦮꦶ ꦠꦼꦩ꧀ꦧꦸꦁꦔꦶꦥꦸꦤ꧀ ꦱꦤꦺꦱ꧀ ꦠꦧꦶꦧ꧀, ꦭꦤ꧀ ꦢꦢꦺꦴꦱ꧀ ꦱꦼꦱꦼꦥꦸꦃ ꦲꦶꦁ ꦧꦼꦧꦿꦪꦤ꧀, ꦱꦤꦏ꧀-ꦢꦸꦭꦸꦂ, ꦠꦁꦒ ꦠꦼꦥꦭꦶꦃ. ꦩꦭꦃ ꦲꦶꦁ ꦗꦩꦤ꧀ ꦫꦸꦩꦶꦪꦶꦤ꧀ ꦲꦸꦠꦮꦶ ꦗꦩꦤ꧀ ꦏꦶꦤ ꦣꦭꦁ ꦧꦺꦴꦠꦼꦤ꧀ ꦤꦩꦸꦁ ꦩꦪꦁ, ꦤꦔꦶꦁ ꦲꦸꦒꦶ ꦭꦏꦸ ꦢꦂꦩ ꦥꦫꦶꦁ ꦥꦶꦠꦸꦭꦸꦁꦔꦤ꧀ ꦣꦸꦩꦠꦼꦁ ꦱꦁꦒꦾ ꦲꦶꦁꦏꦁ ꦩ꧀ꦧꦼꦠꦃꦲꦏꦼꦤ꧀, ꦭꦤ꧀ ꦲꦸꦒꦶ ꦢꦢꦺꦴꦱ꧀ ꦥꦁꦒꦺꦤ꧀ꦤꦤ꧀ ꦩꦸꦤ꧀ꦢꦸꦠ꧀ ꦱꦼꦱꦼꦉꦥ꧀ꦥꦤ꧀ ꦧꦧꦒ꧀ꦒꦤ꧀ ꦫꦸꦮꦼꦠ꧀ ꦫꦺꦤ꧀ꦠꦺꦁꦔꦶꦁ ꦏꦸꦭꦮꦂꦒ ꦩꦼꦤꦥ ꦢꦺꦤꦺ ꦧꦧ꧀ ꦧꦼꦧꦿꦪꦤ꧀ ꦲꦒꦸꦁ.
ꦲꦶꦁ ꦧꦧꦒ꧀ꦒꦤ꧀ ꦫꦸꦮꦼꦠ꧀ ꦫꦺꦤ꧀ꦠꦺꦁ ꦏꦸꦭꦮꦂꦒ ꦣꦭꦁ ꦲꦱꦿꦶꦁ ꦢꦶꦥꦸꦤ꧀ꦱꦸꦮꦸꦤ꧀ꦤꦶ ꦥꦩꦁꦒꦶꦃ ꦩꦼꦁꦒꦃ ꦏꦮꦼꦤ꧀ꦠꦃꦲꦤ꧀ꦤꦶꦥꦸꦤ꧀ ꦠꦶꦪꦁ ꦱꦼꦱꦺꦴꦩꦃꦲꦤ꧀. ꦧꦧ꧀ ꦧꦼꦧꦿꦪꦤ꧀ ꦲꦒꦸꦁ ꦱꦒꦼꦢ꧀ ꦏꦠꦶꦠꦶꦏ꧀ ꦱꦏꦶꦁ ꦠꦿꦣꦶꦱꦶ ꦣꦭꦁ ꦩꦸꦥꦸ ꦲꦤꦏ꧀. ꦭꦶꦫꦶꦥꦶꦤ꧀ ꦏꦥꦶꦠꦪꦤ꧀ ꦧꦼꦧꦿꦪꦤ꧀ (ꦩꦱꦫꦏꦠ꧀) ꦫꦸꦩꦶꦪꦶꦤ꧀ ꦩꦤꦮꦶ ꦮꦺꦴꦤ꧀ꦠꦼꦤ꧀ ꦧꦪꦶ ꦭꦲꦶꦂ ꦩꦁꦏ ꦲꦶꦁ ꦢꦺꦱꦤꦶꦥꦸꦤ꧀ ꦮꦺꦴꦤ꧀ꦠꦼꦤ꧀ ꦣꦭꦁ ꦲꦶꦁꦏꦁ ꦤꦼꦩ꧀ꦧꦺ ꦩꦪꦁ, ꦥꦿꦩꦶꦭ ꦧꦪꦶ ꦲꦺꦁꦒꦭ꧀ ꦏꦱꦸꦱꦸꦭ꧀ꦭꦏꦼꦤ꧀ ꦣꦠꦼꦁ ꦥꦁꦒꦸꦁ ꦭꦤ꧀ ꦢꦶꦥꦸꦤ꧀ꦥꦁꦏꦸ ꦏꦶ ꦣꦭꦁ ꦱꦲ ꦏꦥꦫꦶꦁꦔꦤ꧀ ꦲꦱ꧀ꦩ. ꦲꦶꦁ ꦮꦚ꧀ꦕꦶ ꦲꦒꦼꦁ ꦭꦫꦺ ꦥꦸꦤꦶꦏ ꦢꦢꦺꦴꦱ꧀ ꦲꦤꦏ꧀ ꦲꦁꦏꦠ꧀ꦠꦶꦥꦸꦤ꧀ ꦣꦭꦁ, ꦱꦲ ꦣꦭꦁ ꦒꦣꦃ ꦏꦸꦮꦗꦶꦧ꧀ꦧꦤ꧀ ꦩꦺꦴꦫꦭ꧀ ꦤ꧀ꦝꦺꦫꦺꦏ꧀ ꦲꦁꦒꦸꦭꦮꦼꦤ꧀ꦛꦤ꧀ ꦭꦫꦺ ꦥꦸꦤꦶꦏ ꦔꦤ꧀ꦠꦺꦴꦱ꧀ ꦲꦒꦼꦁ.
ꦱꦼꦏꦺꦴꦭꦃ ꦣꦭꦁ
[besut | besut sumber]- ꦥꦩꦸꦭꦁꦔꦤ꧀ ꦣꦭꦁ ꦲꦧꦶꦫꦤ꧀ꦝ, ꦲꦶꦁ ꦔꦪꦺꦴꦒꦾꦏꦂꦠ.
- ꦗꦸꦫꦸꦱ꧀ꦱꦤ꧀ ꦥꦼꦤ꧀ꦝꦭꦁꦔꦤ꧀ ꦱꦼꦏꦺꦴꦭꦃ ꦠꦶꦁꦒꦶ ꦱꦼꦤꦶ ꦆꦤ꧀ꦝꦺꦴꦤꦺꦱꦶꦪ (STSI).
- ꦗꦸꦫꦸꦱ꧀ꦱꦤ꧀ ꦱꦼꦤꦶ ꦥꦼꦤ꧀ꦝꦭꦁꦔꦤ꧀, ꦥ꦳ꦏꦸꦭ꧀ꦠꦱ꧀ ꦱꦼꦤꦶ ꦥꦼꦂꦠꦸꦚ꧀ꦗꦸꦏ꧀ꦏꦤ꧀, ꦆꦤ꧀ꦱ꧀ꦠꦶꦠꦸꦠ꧀ ꦱꦼꦤꦶ ꦆꦤ꧀ꦝꦺꦴꦤꦺꦱꦶꦪ (ISI).