Deepika Padukone

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Déépika Padukoné (diwaca Dipika Padukon) lair nalika tanggal 5 Januari taun 1986 ing Copenhagen, Dhènmarken. Déépika ora lair saka kulawarga artis[1]. Bapaké ya iku atlèt internasional badminton, jenengé Prakash Padukoné. Ibuné jenengé Ujjala, nyambut gawé ing agèn perjalanan. Déné adhiné, Anisha Padukoné dadi atlèt golf. Déépika iku salah siji artis kang kondhang saka negri Bollywood. Bollywood ya iku sebutan kanggo indhustri filem saka Mumbai, Maharashtra, India. Dhèwèké wiwit kawentar nalika dadi paraga baku ing filem Om Shanti Om bareng karo aktor kondhang Shahrukh Khan. Kariré saya mundhak nalika dadi artis ing filem Bachna Ae Haseeno, Yeh Jawaani Hai Deewani, Love Aaj Kal, Goliyon Ki Raasleela Raam-Leela, Race 2, Chennai Express, Happy New Year, Bajirao Mastaani, Padmaavat, lan sapituruté.

Déépika éntuk pangaji minangka “Model of The Year” tegesé modhèl kang duwé prèstasi saha karir kang apik nalika taun 2012 ing adicara Pangaji Fashion Kingfisher kaping lima, banjur uga dadi model baku ing tanggalan Kingfisher.  Ing taun kuwi kariré saya mundhak, dhèwèké luwih aktif dadi modhèl kanggo para desainer kondhang.

Filem[besut | besut sumber]

Déépika Padukoné wiwit kawentar ing Bollywood nalika dadi paraga baku ing filem Om Shanti Om bareng karo paraga filem kondhang, Shahrukh Khan. Kariré saya mundhak nalika dadi artis ing filem Bachna Ae Haseeno, Yeh Jawaani Hai Deewani, Love Aaj Kal, Goliyon Ki Raasleela Raam-Leela, Race 2, Chennai Express, Happy New Year, Bajirao Mastaani, Padmaavat, lan sapituruté.

Filem Chennai Express nyeritakaké wong wadon saka India Kidul, Tamil kang diparagagaké Déépika Padukoné karo wong lanang saka India lor, Mumbai kang diparagagaké déning Shahrukh Khan. Leloroné ketemu ing stasiun nalika Déépika Padukoné (Mééna) lunga saka ngomah amarga wegah dijodokaké déning bapakné lan Shahrukh Khan (Rahul) arep menyang ing Rameshwaram guna ngguwang awu simbah kakungé. Ing kono Rahul ora ngerti yèn dhèwèké jebul ya nulungi préman kang ngoyak-oyak Mééna. Mééna iku anaké ketua préman ing désané. Awit saka kono Rahul dadi kegawa ing kithané Mééna, yaiku Komban ing Tamil kang masarakaét kaya préman kabèh. Nalika Mééna lan Rahul mlayu saka omah, leloroné tekan désa kang masarakaté duwé watak apik. Ing kono Mééna lan Rahul dianggep pasangan mantèn. Sawisé Rahul wis duwé kalodhangan kanggo guwang awuné simbahé, dhèwèké ngulihké Mééna ing désané tanpa dingertèni Mééna sadurungé. Ing kono Rahul gelut karo para préman. Rahul menang, lan bapaké Mééna mènèhi restu marang Mééna lan Rahul kanggo mantènan.

Filem Padmaavat iku garapan sutradhara Sanjay Leela Bhansali kang didhasari geguritan saka pujangga muslim kang kondhang ing India yaiku Muhammad Jayasi nalika abad-16. Ananging amarga filem Padmaavat kang nyeritakaké bab kauripan panguwasa saka kaum Rajput abad-14 iku, Déépika diancem déning komunitas klompok Bharatiya Janata. Déépika lan Sanjay diancem yèn dhèwèké bakal dipenggal lan sapa sing bisa menggal iku bakal diwènèhi dhuwit satus yuta rupéé utawa 20,6 miliyar rupiyah. Anceman kuwi teka amarga komunitas kasebut ora sarujuk karo critane kang miturut kaum kasebut crita ing filem iku beda karo sejarah asli Ratu Padmawati ing tanah Rajput. Satemah dianggep ngregeti citra raja lan ratu saka Rajput, pambabaran ing bioskop uga dindur, kuduné tayang wulan Dhésèmber dadi tayang ing wulan Januari. Wiwit kuwi Déépika dijaga terus déning para polisi nganti dhèwèké aman[2]. Ananging saiki wis ora ana aksi téror saka kaum Bharatiya Janata. Déépika karo Ranvéér wis bisa urip tentrem.

Karir[besut | besut sumber]

Déépika miwiti karir minangka modhel kalawarta, iklan odhol, iklan emas, lan iklan tata rias kang kondhang. Awit saka kono, kariré misuwur ing manca. Déépika éntuk pangaji minangka “Model of The Year” tegesé modhèl kang duwé prèstasi saha karir kang apik nalika taun 2012 ing adicara Penghargaan Fashion Kingfisher kaping lima, banjur uga dadi model baku ing tanggalan Kingfisher.  Ing taun kuwi kariré saya mundhak, dhèwèké luwih aktif dadi modhèl kanggo para dhesainer kondhang. Saengga kariré minangka supermodhèl tetep mlaku. Kanggo ngembangaké karir, dhèwèké dadi paraga filem Bollywood, Om Shanti Om bareng karo aktor kondhang Shahrukh Khan. Saka filem kang suksès iku, Déépika wiwit kondhang ing Bollywood.[3]

Kauripan[besut | besut sumber]

Déépika Padukoné ora lair saka kulawarga artis. Bapaké yaiku atlèt internasional badminton saka Karnataka, India, jenengé Prakash Padukoné. Ibuné jenenge Ujjala, nyambut gawé ing agèn perjalanan. Déépika duwé adhi, Anisha Padukoné. Déépika saiki wis dhaup karo Ranvéér Singh nalika tanggal 21 Oktober 2018 ing Itali. Ranvéér Singh iku aktor Bollywood kang dadi lawan mainé Déépika ing filem Goliyon Ki Raasleela Raam-Leela, Bajirao Mastaani, lan Padmaavat. Filem-filem kang diparagakaké Déépika karo Ranvéér kuwi akèh kang suksès utawa lolos Box Office. Pramila Déépika karo Ranvéér mlebu ing jajaran artis papan atas India.

Sumber[besut | besut sumber]

  1. Balan, Anish (2007-10-14). "Deepika Padukone Biography". IMDb. 
  2. Nugroho, Bagus (2017-11-23). "Beda Cerita dan Skrip Film yang Bikin Deepika Terancam Dipenggal". Detik.com. Diarsip saka sing asli ing |archive-url= butuh |archive-date= (pitulung). 
  3. Chatterjee, Saibal (2014-3-7). "Chennai Express movie review". NDTV.  Priksa gandra date ing: |date= (pitulung)