Connie Sutedja

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Connie Sutedja
Conny sutedja nop ac.jpg
Pakaryan aktris
Taun aktif 1965 - saiki

Connie Sutedja (kelahiran Tasikmalaya, Jawa Kulon, 10 November 1944; umur 74 taun) iku juru main filem kawakan Indonesia kang misuwur kanthi jeneng Bu Hebring amarga perané ing salah sijiné iklan ing TV.[1] Nganti saiki, Connie Sutedja isih aktif main ing filem lan sinétron.[2] Sanajan akèh tampil dadi peran pendukung filem, Connie uga tau dadi peran utama ing filem Singa Betina dari Marunda kang disutradarai déning Sofia W.D nalika taun 1971.[2] Connie Sutedja iku salah siji personel golden girls, kang duwé anggota Nani Widjaja, Ida Kusumah lan Rina Hasyim.[2] Artis senior Connie Sutedja tau ketipu kang cacahé nganti 2 miliar 620 juta.[2] Dené penipuné jenengé Sukriani Yunus utawa Yanni.[2] Wiwitané Yanni nyilah dhuwit karo Connie Sutedja kanthi alasan kanggo urusan bisnis batubara.[2] Nalika iku Connie Sutedja nganti adol omah kanggo éntuk dhuwit.[2] Yanni ngaku yèn nduwé lahan batubara kang ajiné 100 milyar.[2] Yanni njanjeni yèn bakal mbalikaké dhuwité Connie amarga Yanni wis nganggep Connie kaya ibuné dhéwé. Nanging nalika nampa cek, cek kang ditampa Connie iku cek kosong.[2] Ing sajerone prakara iki dhèwèké uga duwé barang jaminan kang awujud inten saka Yanni, nanging iku uga dudu duweke. Conni ngakoni yèn dhèwèké kaya dihipnotis.[2]

Cathetan suku[besut | besut sumber]

  1. tabloidnova.com(dipunundhuh tanggal 4 September 2011)
  2. a b c d e f g h i j selebriti.kapanlagi.com(dipunundhuh tanggal 4 September 2011)