Clana jean

Saka Wikipédia Jawa, bauwarna bébas abasa Jawa
gambar clana jean

Clana Jean ya iku clana kang akèh digandrungi déning kawula muda jaman saiki.[1] Pancen banget luwes ngenggo clana jean tur manèh ora gampang ketok reged apa lungsed.[1] Akeh wong kang padha salah kaprah ngenani asal-usul clana jean, ya iku clana kang dienggo para pangon rajakaya ing Amerika Serikat , kang diarani cowboy.[1]

Asal-usul Clana Jeans[besut | besut sumber]

Clana jean diciptakake déning Levis Strauss. Levis Strauss urip udakara taun 1829-1902.[1] Dheweke pemudha klairan New York Amerika kepilut marang wong-wong sing padha menyang Caifornia perlu golek emas.[1] Kapencut oleh-olehane ana tambang emas mau.[1] Bapak ibune, sedulur-sedulure padha nggeguyu, ngeman nek arep melu golek emas.[1] Kejaba ora duwé keprigelan, uga pawakane ora cocok. Wong kang makarya ana tambang mau awake kudu kuwat.[1] Biasane wong kang padha makarya ing tambang iku, dumadi wong-wong sing diarani bradhal, kejem.[1] Eloke manèh Levis Strauss menyang tambang emas ora sangu piranti wong nyambut gawé ana tambang.[1] Dheweke malah nyedhiakake kain kandel warna biru pirang-pirang gulung.[1] Nalika padha ditakoni, jawabe mengko wong sing padha nambang mau rak butuh tendha, motha kanggo ngeyub, apa kreta kain iki ana gunane.[1] Yen aku ora bisa oleh emas, nanging bisa dagang kain dienggo tendha.[1] Mangkono wangsulane mantep.[1] Ora melu pamenggake sedulur-sedulure Levis strauss budhal nuju Kutha Sanfransisco, kuthane para penambang emas.[1] Ana kutha mau ora golek gawéyan dadi tukang tambang, nanging tawa-tawa kain, digelar digulung, pamrihe para penambang mau padha tuku perlu dienggo tendha, utawa payon kreta.[1] Levis Strauss anggone nawakake kain nganti ndhungsang jempalik ora ana sing nggrubris.[1] Malah padha digeguyu.[1] Kaya ngapa gumune Levis Strauss.[1] Sawijining penambang tuwa nyedhaki banjur ngomong nek barang kang ditawakake Levis ora bakal ana sing nuku, ana pertambangan kene sing dibutuhake dudu tendha, motha utawa kreta ning kathok clana.[1] Ana ing pertambangan kathok iku ora bisa awet , merga dienggo munggah-mudhun jurang, nyemplung urng-urung, merga mungsuhe krikil sing landhep-landhep.[1] Mula yèn bisa gawékna clana saka bahan kain iki mbok manawa luwih kuwat lan penak dienggo nyambut gawé.[1] Sabanjure levis Strauss banjur ngukuti dagangane, mulih na pondhokane, atine njelu, ora payu malah digeguyu.[1] Niyate arep gawé clana pesenane tukang tambang mau.[1] Kain biru kang kandel mau bajur digawa menyang tukang jait ora keduga, merga kandel kaine.[1] Njaite kudu nganggo mesin sepatu.[1] Bareng wis dadi, clana mau banjur diduduhake tukang tambang.[1] Banget gumune tukang tambang, clana asile Levis Strauss mau cocog banget dienggo makarya tambang, kuwat, srek ora gampang suwek.[1] Clana mau déning tukang tambang ora mung dienggo nambang wae, nanging uga dienggokeperluan liyane, menyang toko, plesir, karo dipamerake yèn duwé clana sing istimewa.[1] Akeh tukang tambang sing kepranan.[1] Mula nganti kewalahan Levis strauss nampa pesenan. Nganti kain denim biru ana kutha New York ludhes diborong Levis Strauss.[1] Clana lan penganggo liyane ciptaane Levis saya pepak dilarasake karo majuning jaman.[2] Saka kutha Virginia isih nacad, merga sake gampang suwek merha ing tambang mau dienggo ngesaki krikil-krikil sing lancip.[2] Pojokane gampang jebol.[2] Levis Strauss muter utek keriye carane ben ora gapang jebol.[2] Levis strauss rembugan karo tukang bengkel kreta.[2] Asile saben pojokane diwenehi logam saka cuwilan tepel kuda.[2] Banjur ditambahi paku-paku tembaga.[2] Taun-taun sabanjure perusahaan clana Levis Strauss wis bisa njarah langit kondhange ana Amerika.[2]

Cathetan suku[besut | besut sumber]

  1. ^ a b c d e f g h i j k l m n o p q r s t u v w x y z aa ab ac ad ae (id)“Asal-usul: Levis Strauss”.Panjebar Semangat.edisi 42:2003 (kaca 52)
  2. ^ a b c d e f g h (id)http://ripiu.com/(diunduh tanggal 30 Juli 2011)
Sumber artikel punika saking kaca situs web: "https://jv.wikipedia.org/w/index.php?title=Clana_jean&oldid=1075652"