Cithakan:/Intro/Oseania

Oseania kuwi jeneng "bawana" klompok kapuloan ing Samodra Pasifik. Oseania kuwi bawana kanthi jembar dharatan paling cilik lan cacahing populasi paling sithik nomer loro sawisé Antartika.

Jroning pangertèn kang prasaja (kang sepisanan kadhefinisèkaké déning panjlajah saka Prancis Jules Dumont d'Urville ing taun 1831), kang klebu bawana Oseania yakuwi Polinesia (klebu Selandia Anyar), Melanesia (klebu Nugini) lan Mikronesia. Éwadéné ing pangertèn kang luwih jembar, Oseania uga ngliputi Australia lan Indonesia bagéyan wètan; nanging langka kang nglebokaké Jepang lan Kepuloan Aleut ing klompok Oseania.