Candhi Klero

Candhi Klero utawa CandhiTengaran yaiku candhi kang manggon ana Desa Klero, Kecamatan Tengaran, Kabupaten Semarang, Provinsi Jawa Tengah . Sepisanan ditemokaké menèh taun1995 ^[1], kahanan nalika semana candhi klero ambruk. Ananging, saiki candhi kang ambruk kuwi mau kasil diowahi lan didadèkaké candhi menèh déning BP3 ( Balai Pelestarian Peninggalan Purbakala ) dhaérah Provinsi Jawa Tengah sing saiki diganti dadi BPCB (Balai Pelestarian Cagar Budaya) Jawa Tengah. Candhi Klero uga diarani Candhi Tengaran déning para warga. Diwènèhi jeneng Candhi Klero utawa Candhi Tengaran amarga candhi kasebut ditemokaké ing jaman saiki. Papaning Candhi Klero udakara 500 m ^[2] saka Jalan Raya Solo-Semarang. Bab keamanan, sakupengé Candhi Klero wis dipasangi témbok permanèn.

Wujud Candhi Klero iki unik. Morfologi Candhi Klero kapérang dadi pérangan sikil, awak, lan sirah. Pérangan sikil Candhi Klero awujud pesagi ukuran 14 meter x 14 meter x 1,4 meter. ^[1] ^[2] Ing sisih dhuwur téras ana benjolan-benjolan ing saubengé candhi. Benjolan kasebut dinuga minangka umpak kang digunakaké kanggo nyangga cagak. Para wisatawan bisa bisa munggah ing téras kanthi cara liwat untu andha kang katon durung rampung didandani. Ing sisih pojok sawijining témbok teras ana prasasti cendhèk katulis mawi aksara Kawi utawa Jawa Kuna.

Pérangan awak ing Candhi Klero duwé ruangan (grbagrha) kang ana yoni ing jeroné. Ing ngisor pérangan cerat saka yoni Candhi Klero ana ornamen ula kang lagi nyunggi kura. Miturut informasi, arca Déwa Siwa uga ditemokaké ing Candhi Klero ^[2], nanging arca Siwa kasebut uwis dipindhahaké déning Dinas Purbakala kanthi alesan keamanan.

Rujukan

↑ ^a ^b Sedyawati, Edi; Santiko, Hariani; Djafar, Hasan; Maulana, Ratnaesih; Ramelan, Wiwin Djuwita Sudjana; Ashari, Chaidir (2013). Candi Indonesia Seri Jawa. Jakarta: Direktorat Pelestarian Cagar Budaya dan Permuseuman. kc. 62–63. ISBN 978-602-17669-3-4.
↑ ^a ^b ^c "Candi Klero". Diarsip saka sing asli ing 2023-05-30. Dibukak ing 20 Oktober 2017.

Pranala jaba

Situs Desa Klero Archived 2019-09-22 at the Wayback Machine. .

[:0-1] Sedyawati, Edi; Santiko, Hariani; Djafar, Hasan; Maulana, Ratnaesih; Ramelan, Wiwin Djuwita Sudjana; Ashari, Chaidir (2013). Candi Indonesia Seri Jawa. Jakarta: Direktorat Pelestarian Cagar Budaya dan Permuseuman. kc. 62–63. ISBN 978-602-17669-3-4.

[:1-2] "Candi Klero". Diarsip saka sing asli ing 2023-05-30. Dibukak ing 20 Oktober 2017.

[1]

[2]