Candhi Kadisoka
Candhi Kadisoka mapan ana ing Dhusun Kadisoka, Désa Purwomartani, Kecamatan Kalasan, Kabupaten Sleman, Daerah Istimewa Yogyakarta. Candhi Kadisoka ditemokaké tanggal 7 Desember taun 2000. Sing nemokaké candhi iki yaiku penambang pasir. Temuan iki banjur dilaporaké tumrap BP3 Yogyakarta. Ana ing tahun 2001, candhi kasebut dislametaké nganti kétok bahagian candhi sing sisih wétan.
.jpg)
Candhi Kadisoka nduwèni dénah segi papat lan ukurané 6,90m x 6,49m. Bangunan candhi iki madhep ngulon. Candhi iki nduwèni ciri khas bangunan candhi Jawa Tengah lan agawé saka batuan andhèsit.
Candhi iki nduwèni perigi ana ing tengah bangunan. Uga ana pripih arupa lèmpèngan emas segi papat sing nduwèni gambar kembang traté lan batu mulia kang ditemokaké ana ing njero bangunan candhi. Saka temuan-temuan kasebut, bisa disimpulaké menawa Candhi Kadisoka minangka candhi Hindhu.[1]
Rujukan[besut | besut sumber]
- ↑ Balai Pelestarian Peninggalan Purbakala Yogyakarta (Indonesia) (2008). Selayang pandang candi-candi di Yogyakarta (édhisi ka-[Cet. 1.]). Sleman, Yogyakarta: Balai Pelestarian Peninggalan Purbakala Yogyakarta. ISBN 9789791642835. OCLC 421526275.