Cak Diqin
| Muhammad Sodiqin | |
|---|---|
| Lair | Sujarno |
| Jeneng liya | Cak Diqin |
| Pakaryan | Penyanyi, Pangripta tembang |
| Bojo | Nyimut Sri Lestari |
| Anak | Muhammad Fajrul Khadafi Muhammad Sunan Alit Salsabila Hananti Renik Nada Lokananta |
| Wong tuwa | Sarimin Murtini |
Muhammad Sodiqin (jeneng lair: Sujarno[1]) utawa kang kondhang kanthi parapan Cak Diqin kuwi sawijiné penyanyi lan pangripta tembang campursari. Minangka penyanyi, dhèwèke wis ngasilaké ora kurang saka 45 album campursari kanthi tembang-tembang kang kawentar ing antarané "Cinta Tak Terpisahkan", "Sida Randha", "Susu Boyolali", lan liya-liyané.[2] Minangka pangripta, Cak Dikin wis ngasilaké punjul 100 tembang campursari.[3].
Cak Diqin miwiti lelabuhan ing babagan campursari wiwit taun 1990-an lan nampa pakurmatan Anugerah Musik Indonesia (AMI) taun 2006.[4] Dhèwèke uga dadi ketua Campursari Center Indonesia (CCI)[5] lan rikala taun 2007 bebarengan karo CCI nampa pakurmatan rekor pagelaran campursari paling suwé saka Museum Rekor Indonesia (MURI).[6]
Riwayat
[besut | besut sumber]Cak Diqin dilairaké ana ing Srana, Banyuwangi, Jawa Timur taun 1964 saka kulawarga wong tani. Rikala taun 1985, dhèwèke pindhah menyang Jayapura. Ing taun 1986 Cak Diqin nyambut gawé dadi pegawé ing papréntahan minangka panilik kabudayan ing Kacamatan Sentani.[1]
Rikala taun 1993, Cak Diqin ditugasaaké sinau ana ing Institut Kagunan Indonesia (ISI) Surakarta. Wiwit iku, Cak Diqin asring olèh pagaweỳan ing babagan kabudayan lan pentas, kaya ta dadi pranatacara. Ing taun 1994, Cak Diqin lumebu paguyuban Campur Sari Gunungkidul kang dipandhégani Manthous. Ing kono Cak Diqin dipercaya dadi manajer kagunan.Nalika tugas pasinaon wis rampung, Cak Diqin mutusaké ora bali marang Jayapura lan ing taun 2002 mutusaké lérén saka pegawéyané ing papréntahan.
Kulawarga
[besut | besut sumber]Cak Diqin rabi kaping papat. Sing sapisan, karo Kolifah nganti pégatan nalika Cak Diqin nglakoni tugas pasinaon. Sabanjure Cak Diqin rabi karo Yanuk kang diwayuh (poligami) karo Wiwit Pujakesuma. Ing taun 2013, Cak Diqin rabi karo Nyimut Sri Lestari sawisé pegatan karo Yanuk lan Wiwit. Saka anggoné omah-omah sadurungé, Cak Diqin duwé anak papat.[7]
Tembang-tembang
[besut | besut sumber]Tembang-tembang-tembange Cak Diqin kang lumebu ana ing album "Koleksi Terbaik Cak Diqin" ya kuwi:[8]
- Cinta Tak Terpisahkan, karo Safitri
- Sida Randha, karoSafitri
- Tali Kotang, karo Wiwid W
- Blebes, karo Dini Aditama
- Slenco, karo Ami Ds
- Mr.Mendem, karo Dini Aditama
- Pindhah Tresna, karo Wiwid W
- Cinta untuk Selamanya, karo Safitri
- Mendem Wedokan, karo Dini Aditama
- Louhan
Pakurmatan
[besut | besut sumber]- Pakurmatan "Karya Produksi Terbaik Babagan Lagu Berbahasa Daerah" saka AMI Awards 2006 (karo Ami Ds).
- Rekor MURI nomer 2944 kanggo pentas campursari tanpa mandeg 33 jam, 33 menit, 33 detik (minangka ketua CCI, kasengkuyung Pamaréntah Kabupatèn Karanganyar) taun 2007.[1]
- Rekor MURI kanggo pentas campursari tanpa mandeg 66 jam, kanggo mengeti dina Bhayangkara taun 2012 (minangka ketua CCI, kasengkuyung Polda Jawa Tengah).[9]
- Rekor MURI kanggo pentas campursari tanpa mandeg 73 jam, kanggo mengeti dina lair TNI, taun 2014 (minangka ketua CCI, kasengkuyung Kodam IV/Diponegoro).[10]
Cathetan
[besut | besut sumber]- ↑ a b c "SUARA MERDEKA CETAK-Bayi yang Dibuang di Tempat Sampah Itu". Suaramerdeka.com. Diarsip saka sing asli ing April 8, 2016. Dibukak ing March 26, 2016.
- ↑ "Muhammad Sodiqin Telah Lahirkan 45 Album, Ingin Terus Berkarya". Edisicetak.joglosemar.co. Diarsip saka sing asli ing April 6, 2016. Dibukak ing March 26, 2016.
- ↑ "Cak Diqin: Dreaming of a globalized 'campursari'". Thejakartapost.com. Dibukak ing March 26, 2016.
- ↑ "Musikindo-Indonésian Music Sites". Musikindo.com. Dibukak ing March 26, 2016.
- ↑ "Cak Diqin Buat Album Baru". Edisicetak.joglosemar.co. Diarsip saka sing asli ing April 6, 2016. Dibukak ing March 26, 2016.
- ↑ Aylawati Sarwono (2009). Rekor-rekor Muri. Elex Media Komputindo. kc. 341–. ISBN 978-979-27-4180-3.
- ↑ "Nikahi Janda, Cak Diqin Ingin Segera Punya Momongan » Timlo.Net". Timlo.net. Diarsip saka sing asli ing June 10, 2016. Dibukak ing March 26, 2016.
- ↑ "MelOn". Melon.co.id. Dibukak ing March 26, 2016.
- ↑ "PENTAS CAMPURSARI 66 Jam, Tahan Kantuk demi Rekor Muri-Hiburan » SOLOPOS.COM". Solopos.com. Dibukak ing March 26, 2016.
- ↑ "36 Grup Campursari Tampil Nonstop 73 Jam". Berita.suaramerdeka.com. Diarsip saka sing asli ing April 9, 2016. Dibukak ing March 26, 2016.
Pranala njaba
[besut | besut sumber]Profil Cak Diqin ing situs KapanLagi.com Archived 2016-05-18 at the Wayback Machine..