Bustan al-Katibin
Bustan al-Katibin (Bustanu al-Katibin li’s-Sibyan al-Muta’allimin, Jawa: Kitab Pakebonan Jurutulis kanggo Bocah-bocah kang Arep Sinau) ya iku naskah kang ditulis Raja Ali Haji kang isiné ngewrat bab tata Basa Malayu.[1][2] Karyané iki dadi karya kang awal dhéwé kang mbahas babagan basa Malayu déning cendekiawan lan budayawan Malayu saka Riau. Karya iki ditulis taun 1850 atawa 1267 Hijriyah. Ana karya Raja Ali Haji liyané manèh, ya iku Kitab Pengetahuan Bahasa: Kamus Loghat Melayu Johor, Pahang, Riau dan Lingga kang uga mbahas bab basa Malayu. Manuskrip Bustan al-Katibin kang asli saiki disimpen ing Perpustakaan Universitas Lèiden, Walanda. Naskah iki ditulis kanthi tulis tangan nganggo hurup Arab-Melayu lan basa Melayu Klasik. Naskahé ngemu 80 kaca. Naskah iki ditulis nalika dhèwèké kira-kira 40 taun. Ing jeroné ana 30 pasal andharan. Sanadyan naskah iki bab tata basa Melayu, nanging cara andharané nganggo cara tata basa Arab kayadéné nahu (sintaksis), saraf (morfologi), mantiq (logika), balaghah (rètorik), istidlal (pendalilan), kalam, lan liyané.[1]
Rujukan[besut | besut sumber]
- ↑ a b Haji, Raja Ali; bin Musa, Hashim (pengkaji) (2005). Bustan al-Katibin. Kuala Lumpur: Yayasan Karyawan. ISBN 983-9510-11-8.
- ↑ "Karya Raja Ali Haji". Raja Ali Haji. Diarsip saka sing asli ing 2017-09-27.