Bursa Èfèk Indonésia
![]() | |
Type | Stock exchange |
---|---|
Founded | 1912 |
Headquarters | , |
Key people | Ito Warsito, Dirut |
Website | www.bei.co.id |
Bursa Èfèk Indonésia (dicekak BEI, utawa Indonésia Stock Exchange (IDX)) iku bursa asil panggabungan saka Bursa Èfèk Jakarta (BEJ) karo Bursa Èfèk Surabaya (BES). Dimèn kagayuh kawigatening lampah lan adol-tuku saham, [1] pamaréntah mutusaké nggabung Bursa Èfèk Jakarta minangka pasar saham karo Bursa Èfèk Surabaya minangka pasar obligasi lan derivatif.[2] Bursa asil panggabungan iki miwiti operasi tanggal 1 Dhésèmber 2007.[3][4]
BEI migunakaké sistem padagangan Jakarta Automated Trading System (JATS) wiwit 22 Mèi 1995, nggantèkaké sistem manual sing dianggo sadurungé.[5] Sistem JATS iki direncanakaké bakal diganti nganggo sistem anyar yaiku OMX.
Pusat Bursa Èfèk Indonésia dumunung ing Kawasan Niaga Sudirman, Jl. Jend. Sudirman 52-53, Semanggi, Jakarta Kidul
Indèks saham
Kanggo mènèhi pratélan sing luwih pepak ngenani pakembangan bursa marang kawula umum, BEI nyebaraké data owahan rega saham lumantar médhia cithak lan èlèktronik. Satunggaling pratandha owahan rega saham mau yaiku indèks rega saham. Samangké, BEI duwé warna indèks saham cacahé pitu. [6]
- IHSG, migunakaké kabèh saham kacathet minangka péranganing pamétungan Indeks.
- Indèks Sèktoral, migunakaké kabèh saham sing lumebu sajeroning saben sèktor.
- Indèks LQ45, migunakaké 45 saham kapilih sawisé ngliwati sawatara tahapan selèksi.
- Indèks Individual, minangka Indeks kanggo saben saham didhasaraké rega dhasar.
- Jakarta Islamic Index, minangka Indèks padagangan saham syariah.
- Indèks Papan Utama lan Papan Pangembangan, indèks sing didhasaraké marang kelompok saham sing kacathet ing BEI yaiku golongan Papan Utama lan Papan Pangembangan.
- Indèks Kompas100, migunakaké 100 saham pilihan koran Kompas.
Cathetan sikil
- ↑ https://www.hukumonline.com/klinik/a/uang-yang-keluar-dari-atm-tak-sesuai-dengan-bukti-penarikan-cl3389/
- ↑ AntaraNews: Menkeu: BEJ dan BES Merger Jadi Bursa Efek Indonésia
- ↑ Situs Antara
- ↑ detik Finance : BEI Aktif Mulai 1 Desember
- ↑ Message from Bursa Efek Jakarta Archived 2016-03-05 at the Wayback Machine., diakses 28 Januari 2008
- ↑ Indeks Harga Saham & Obligasi Archived 2008-02-05 at the Wayback Machine., Bursa Efek Indonésia, diaksès 28 Januari 2008
Uga delengen
Pranala njaba
![]() | Artikel bab Indonésia iki minangka artikel rintisan. Kowé bisa ngéwangi Wikipédia ngembangaké. |