Brooklyn Nets

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Logo Brooklyn Nets

Cithakan:Tim NBA Brooklyn Nets inggih punika tim bal basket Amerika ingkang kagabung wonten ing salebeting National Basketball Association.[1] Tim punika dumunung wonten ing [[[Brooklyn]], New York.[1] Tim punika dipunbentuk nalika taun 1967 kanthi nama "New Jersey Americans".[1] Wonten ing wiwitanipun, NJ Americans main wonten ing kompetisi American Basketball Association (ABA) lan saged menangaken 2 gelar juara ABA nalika taksih diperkuat déning Julius Erving.[1] Ingkang kagungan klub kasebut, Arthur Brown, kagungan ancas kanggé mapanaken timipun wonten ing kutha New York, ananging amargi boten pikantuk papan saèngga klub kasebut nelasaken musim 1967-1968 wonten ing Teaneck, New Jersey.[1] Nama Nets kapendhet nalika tim kasebut pindhah dhateng New Jersey lan dipunselarasaken kaliyan 2 tim olahraga ingkang sampun wonten ing kutha kasebut, inggih punika Mets (bisbol) lan Jets (bal-balan).[1]

Sasampuning main wonten ing Teaneck Armory nalika taun 1967/68, Nets naté pindhah dhateng sapréangan stadion, inggih punika Long Island ArenaIsland Garden, Nassau Coliseum, Rutgers Athletic Center, Continental Airlines Arena, lan pungkasan Prudential Center.[2] Nets kagabung dhateng NBA wonten ing musim 1976/77 kanthi mbayar sajumlah arta 8 juta dolar AS. Akibatipun, Nets ngalami perkawis finansial lan kapeksa nyadé Julius Erving dhateng Philadelphia 76ers.[2] Musim paling apik Nets wonten ing NBA kadadosan nalika taun 2001/02 nalika point guard Jason Kidd, kagabung kaliyan klub kasebut.[2] Wonten ing musim kasebut, kanggé kapisanan Nets mlampah dumugi ing babak final NBA. Wonten ing musim 2009/2010, Nets dipunsadé dhateng Mikhail Prokhorov, satunggaling tiyang miliyuner Rusia.[2] Wonten ing musim kasebut, Nets ngalami taun paling awon kanthi namung menang kaping 12 ing pertandingan lan kawon cacah 70 pertandingan.[2]

Sasampuning 35 musim ing New Jersey, tim wangsul malih dhateng negara bagèyan New York nalika taun 2012 kanggé main ing Barclays Center ing Brooklyn minangka Brooklyn Nets.

Nomor ingkang dipunpènsiunaken[sunting | sunting sumber]

Cathetan Suku[sunting | sunting sumber]

  1. ^ a b c d e f Tickets-nba-basketball.com New Jersey Nets History. Dipunundhah tanggal 10 Maret 2013.
  2. ^ a b c d e Sportsecyclopedia.com New Jersey Nets. Dipunundhuh tanggal 10 maret 2013.
  3. ^ http://www.nba.com/nets/

Cithakan:NBA

Sumber artikel punika saking kaca situs web: "http://jv.wikipedia.org/w/index.php?title=Brooklyn_Nets&oldid=843200"