Menyang kontèn

Bohemian Rhapsody

Saka Wikipédia Jawa, bauwarna mardika basa Jawa

"Bohemian Rhapsody" ya iku lagu kang diciptakake déning salah sijiné band saka Inggris, Queen. Lagu iki ditulis déning Freddie Mercury kanggo album A Night at the Opera (1975). Lagu iki suwéné enem menit,[1] kang kasusun saka sawatara bagéan tanpa chorus: intro, babagan saka ballad, bagéan opera, bagéan rock, lan coda reflektif.[2] Lagu iki asring dicatutké ing aliran progresif rock ala taun 1970-an.[3] Lagu iki dilaporaké dadi lagu kang biaya produksiné paling larang kang tau digawé ing wektu metuné lagu iku, sanajan ora ana kang bisa nyebutaké pira biaya produksi kang bener saka lagu iki.[4]

Nalika dirilis minangka single, "Bohemian Rhapsody" dadi sukses kanthi komersial, awèt ing ndhuwur undhak-undhakan lagu UK Singles Chart sangang minggu lan didol luwih saka sayuta salinan ing pungkasan Januari 1976.[5] Lagu iki ngrambah nomer siji maneh ing 1991 limang minggu nalika lagu kang padha iki dirilis manèh,[6] lan akhiré lagu iki dadi lagu kang paling laris ing Inggris Raya.[7] Lagu iki uga salah siji lagu kang nggayuh lagu  Natal nomer siji.[8] Lagu iki nggayuh undhak-undhakan lagu paling dhuwur  ing sawatara negara liyané, kalebu Kanada, Australia, Selandia Anyar, Irlandia, lan Walanda, nggawe iku dadi salah siji singel kang pangadolané paling apik. Ing Amerika Serikat, lagu iki awalé muncak ing nomer 9 ing taun 1976. Banjur, bali menyang nomer loro ing taun 1992 sawisé Freddie Mercury tilar donya ing taun 1991, lan panampilané ing film Wayne's World, mulihaké popularitasé ing Amerika Serikat.

Sanajan reaksi saka kritikus ing kawitan rada maneka warna, "Bohemian Rhapsody" tetep dadi salah siji lagu kang paling kondhang saka Queen lan asring diselehaké ing dhaftar lagu modern paling apik kabèh wektu. Lagu iki diiringi déning video promosi, kang akeh ahli nganggep minangka gebrakan.[9] Majalah Rolling Stone nyatakaké: "pangaruhé ora bisa diluwih-luwihaké, iku wis sacoro prakteké digawé video musik pitung taun sadurungé MTV mulai siaran."[10] Ing taun 2004, "Bohemian Rhapsody" lumebu ing Grammy Hall of Fame.[11] Ing 2012, lagu iku ana ing paling dhuwur dhaftar  jajak pendapat nasional ITV ing Inggris minangka "Lagu Nomer Siji Favorit Bangsa" saindhenging luwih saka 60 taun sajarah musik Inggris.

Komposisi

[besut | besut sumber]

"Bohemian Rhapsody" wis dianggep minangka lagu kang nduwèni aliran progressive rock, progressive pop, symphonic rock lan hard rock. Lagu iki uga dianggep minangka lagu kang aneh amarga ora anané refren, lan kombinasi saka macem-macem gaya musik kang beda lan ngandhut sindiran pembunuhan lan nihilisme.[12] Lagu iki kasusun saka intro, balada piano lan gitar solo kang diiringi déning opera kang dirungu kaya sut-sautan saka koor lan solois. Lagu iki ngalami owah-owahan nada dhasar sakai B♭ utama, E♭ utama, utama kanggo F utama, lan ngalami owah-owahan saka tempo wiwit tempo alon saka balada menyang tempo kang luwih cepet  ing bagéan saka opera lan hard rock, lan dipungkasi bali ing bagean outro nganggo tempo kang alon.

Lagu iki uga dikenal memparodikan macem-macem unsur saka opera kang beda, kaya ta nggunakaké chorus bombastik, sarcastic recitative lan macem-macem saka tembung umum kang bisa ditemokaké ing opera Italia, kaya ta tembung "magnifico" lan "figaro"[13]. Gaya kaya kui uga digunakaké ing lagu karyané Freddie Mercury kang sadurungé, kaya ta "My Fairy King" (1973) lan "March of the Black Queen" (1974).

Proses Rekaman

[besut | besut sumber]

Freddie Mercury ngrekam lagu iki ing omahé kang dumunung ing London. Sauntara iku, gitaris Brian May mikir yèn kerangka lagu karyané  Mercury iki apik, tenanan asli lan kuduné dadi lagu kang kasil. Miturut May, lagu iki wis ana suwi ing pikirané Mercury sadurungé band iku mulai mainké.

Chris Smith, kancané Freddie Mercury lan pemain keyboard ing band Smile ngandika yèn lagu iki ya iku lagu kang wis dikembangaké Mercury ing 1960-an. Mercury tau main sawatara bagéan saka lagu iki nganggo piano, lan salah siji saka bagéan sing dikenal irah-irahané ya iku  "Cowboy Song" (Lagu Koboi) ngandhut ukara kang ana ing lirik versi lengkap wektu wis rampung direkam pirang-pirang taun sawisé. Ing tembung "Mama", just killed a man" kang nuduhaké ing lagu saka Roy Orbison kang irah-irahané "Mama" kang digawé ing taun 1962.[14]

Perekaman diwiwiti ing Rockfield Studio 1 cedhak Monmouth ing 24 Agustus 1975, sawise gladhèn  telung minggu ing Penrhos Court, cedhak Kington, Herefordshire. Sasuwené nggawé trèk, papat studio tambahan (Roundhouse, SARM (Timur), Scorpion, lan Wessex) padha digunakaké. Miturut sawatara anggota band, Mercury wis nyiyapaké lagu iku dhisik. Mercury nggunakaké piano "concert grand" Bechstein, kang dimainké déning dhèwèké ing video promosi, lan sasuwéné tur Inggris. Amarga sifat laguné angèl, rekaman iku direkam ing macem-macem bagèan, didadekaké siji  dèning jalur klik kanggo nyimpen kabèh lapisan tetep sinkron.

May, Mercury lan pemain drum, Roger Taylor ngaku yèn dhèwèké kabèh padha nyanyikaké  bagéan vokal rolas jam sedina. Kabèh komposisi ngentekaké wektu rekaman telung minggu, lan ing sawatara bagéan nampilaké 180 overdub kanthi pisah. Amarga studio ing wektu iku mung ngrekam kanggo 24 trèk, perlu telu overdub manèh lan "mantulaké" overdub iku ing njero sawatara sub-mix. Ing pungkasané, kasèt generasi  kawolu  digunakaké. Macem-macem bagéan saka tape kang isiné submix kang dipéngini kudu dikethok lan dipasang ing urutan kanthi bener. May ndèlèhaké kasèt ing ngarep cahya lan bisa ndeleng iku, kaya kasèt kang wis digunakaké kaping akèh.

Produser Baker ngandika yèn gitar solo May dilakokaké mung siji trek, tinimbang direkam ing akeh trek. May ngandharaké yèn dhèwèké kepengin nulis "sethitik lagu kang bakal dadi kanca kanggo melodi utama, ora mung pengin mainké melodi". May ngomongké yèn sing iku luwih becik asalé saka cara kerja iki: ing ngendi dhèwèké mikiraké lagu sadurungé mainké: "driji-driji iku bisa katebak kajaba dipimpin déning otak."

Referensi

[besut | besut sumber]
  1. ↑ Horton, Matthew (24 Juni 2015). "Queen: 20 Things You Probably Never Knew About 'Bohemian Rhapsody'". NME. Dibukak ing 24 Agustus 2015.
  2. ↑ Service, Tom (8 Dhésèmber 2009). "Bohemian Rhapsody: Mamma, we've killed a song". The Guardian. London. Dibukak ing 23 Agustus 2015.
  3. ↑ Eisentraut, Jochen (2012). The Accessibility of Music: Participation, Reception, and Contact. Cambridge University Press. kc. 111. ISBN 978-1107024830. progressive rock had an astounding success with the theoretically over-length (nearly 6 minute) single 'Bohemian Rhapsody' which bore many of the hallmarks of the 'prog' genre
  4. ↑ Cunningham 1995.
  5. ↑ Hodkinson 2004.
  6. ↑ Dadds, Kimberley (19 Juli 2007). "The UK's longest-running chart toppers". Digital Spy. Dibukak ing 25 Sèptèmber 2015.
  7. ↑ Corn 2005.
  8. ↑ http://www.officialcharts.com/chart-news/every-official-christmas-number-1-ever-__3618/
  9. ↑ Heatley 2008.
  10. ↑ Sutherland, Mark (30 Oktober 2015). "Party On: Queen's Brian May Remembers 'Bohemian Rhapsody' on 40th Anniversary". Rolling Stone. Dibukak ing 4 Januari 2016.
  11. ↑ The Recording Academy 2004.
  12. ↑ Service, Tom (2009-12-07). "Bohemian Rhapsody: Mamma, we've killed a song". The Guardian (ing basa Inggris Karajan Manunggal). ISSN 0261-3077. Dibukak ing 2017-06-03.
  13. ↑ McLEOD, K. E. N. (2001-05). "Bohemian rhapsodies: operatic influences on rock music". Popular Music. 20 (2): 189–203. doi:10.1017/S0261143001001404. ISSN 1474-0095. {{cite journal}}: Check date values in: |date= (pitulung)Priksa gandra date ing: |date= (pitulung)
  14. ↑ Smith, Chris (2011), "Interview", Queen: Days of our Lives (documentary), BBC
Dijupuk saka "https://jv.wikipedia.org/w/index.php?title=Bohemian_Rhapsody&oldid=1625834"