BlankOn

BlankOn Linux iku distribusi Linux dhedhasar Debian kang dikembangaké déning Yayasan Penggerak Linux Indonésia (YPLI) lan Komunitas Ubuntu Indonésia (Ubuntu-id.org). Distribusi Linux iki digawé kanthi pangajab supaya bisa selaras tumrap kabutuhané panganggo komputer umum ing Indonésia.

Pangajab[besut | besut sumber]

Pangajab distro Linux BlankOn iki digawé supaya cocog tumrap panganggo komputer ing Indonésia. Mula saka iku, BlankOn digawé kanthi migatékaké piranti-piranti kang bisa digunakaké ing donya pandhidhikan, penggaweyan kantor, lan papréntahan. BlankOn 2.0 wis bisa muter berkas multimedia, upamané MP3, VCD, lan DVD, sarta nduwé praupan grafis khas Indonésia.

Jeneng[besut | besut sumber]

Jeneng BlankOn dijupuk saka jeneng iket sirah ing pulo Jawa, Madura, lan Bali, ya iku blangkon.

Sawetara iku, BlankOn uga bisa dimangertèni saka tembung basa Inggris: blank (kosong, utawa wilangan biner kanggo angka 0) lan on (wilangan biner angka 1). Mula saka iku, BlankOn bisa dimaknani dadi topi digital (modèren) kanthi sawangan klasik (kuna).

Arti liyané ya iku owah-owahan saka blank (kosong) nuju on (urip utawa ana isiné).