Bipolar

Saka Wikipédia Jawa, bauwarna bébas abasa Jawa
Bipolar disorder

Bipolar ya iku lelara kang rasakake saben manungsa kang wis naté nglakoni pasang surut emosi.[1] Ana kalane ana ing pucuking emosi, ananging kadang rumangsa depresi banget.[1] Lelara iki kaya duwé loro kutub emosi, awit saka iku lelara iki sinebut bipolar (bipolar disorder).[1] Penyakit bipolar bisa ngganggu pagawéyan, sekolah, gayutan sosial, lan ngganggu pagawéyan sadina-dina.[1]

Sanajan bipolar bisa diobati, akèh wong kang ora ngerti pratandhane lan ora ngerteni pitulungan kang dibutuhake.[2] Bipolar bisa sansaya parah yèn ora gage diobati. Awit saka iku, ngerteni mula bukane masalah iku minangka cara kanggo nambani bipolar.[2]

Penyakit bipolar (uga sinebut manik depresi) iku nyebabaké malihe kahanan ati, ènergi, pikiran, lan solah bawa kang ora wajar (ana wayahe semangat banget, ing wayah liya depresi banget).[3] Penyakit bipolar bisa nganti madina-dina, kepara nganti sasen.[2].Sasuwene episode manic, wong kang lara ipolar semangat baget anggoné makarya, ora kuwatir amarga utang, utawa ngrasa séhat sanajan mung ngaso rong jam sadina.[2] Ing episode depresi, wong kang lara bipolar males banget anggoné tangi, kebek pangrasa ala, ora duwé pangarep-arep anggoné urip, lan ngrasa dibedakake anggoné bebrayan ing masarakat.[2]

Pratanda gejala fase mania[besut | besut sumber]

Ing fase manic, wong kanthi bipolar duwé ènergi kang gedhé, kreatif, lan euforia.[4] Anggoné ngomong rikat, turune mung sadhéla, lan hiperaktif. Rumangsa awake dhéwé kang paling kuwasa tanpa tandhing, utawa tinitah dadi wong kang gedhé.[4] Sanadyan pratandha iki nyenengake ananging bisa uga kang lara mecul saka tata trapsila.[2] Tuladhané, wong kanthi bipolar kerep tumindak sembrono sasuwene episode mania, ngentèkaké dhuwit celengan, tumindak sembrono, utawa yasa investasi bisnis kang ilegal.[2] Kejaba iku uga gampang nesu, agresif-seneng gelut, mara tangan yèn ana wong kang ora sarujuk marang panemune, lan nyalahake sapa waé kang nyaruwe marang tumindake.[2] Sapérangan wong uga delusional utawa krungu swara-swara aneh saka njero atine.[2]

Pratandha Fase Depresi[besut | besut sumber]

Wong kanthi bipolar, lekas nesu, rumangsa salah, ora bisa dinuga kahanan atine, ati ora tentrem.[5] Kejaba iku, wong kang depresi bipolar uga alon-alon anggoné tumandang gawé lan celathu, akèh anggoné turu, bobot awake tambah, lan depresi psikotik ya iku kahanan wong kang ora bisa mikir kanthi realistis lan adoh saka sesrawungan.[5]

Cathetan suku[besut | besut sumber]

  1. ^ a b c d [1] (diunduh tanggal 21 Fèbruari 2011)
  2. ^ a b c d e f g h i [2] (diunduh tanggal 21 Fèbruari 2011)
  3. ^ [3] (diunduh tanggal 21 Fèbruari 2011)
  4. ^ a b [4] (diunduh tanggal 21 Fèbruari 2011)
  5. ^ a b [5] (diunduh tanggal 21 Fèbruari 2011)