Bathara Narada

Saka Wikipédia Jawa, bauwarna bébas abasa Jawa
Jump to navigation Jump to search
Bathara Narada

Bathara Narada utawa mau Narada iku paraga pawayangan Jawa minangka tangan tengèné Batara Guru ing kayangan Jonggringsaloka. Bathara Narada gadhah salira kang bundér lan gendut. Sirahé mesthi ndangak lan mlakuné njinglat-jingkat.

Bathara Narada lair ana ing alam kasat mata, ya iku ing Sidi Udaludal. Sajeroning dadi wakil saking Batara Guru, naging ora jarang dèwa siji punika asring salah paham karo dèwa-dèwa liyané. Rembukané lan wataké Batara Guru ingkang asring ngatur tata uripé ing Arcapada.Sédanten punika asebabaké Batara Narada kapengen ngerebut tahtané Batara Guru.

Ing tradhisi Hindhu Narada (Dewanagari: नारद,IASTNārada, नारद) utawa Narada Muni iku wong kang wicaksana, kang nyekel peranan wigati sajeroning carita-carita Purana, mligi ing Bhagawatapurana. Narada digambaraké minangka pandhita kang seneng ngumbara lan duwé kasaguhan nekani planit-planit lan donya kang adoh. Narada tansah ngasta piranti musik kang dikenal minangka tambura, kang wiwitané dianggo ngiringi lagu pepujèn, donga-donga, lan mantra-mantra minangka rasa bekti marang Déwa Wisnu utawa Kresna. Sajeroning tradhisi Waisnawa Narada duwé rasa urmat kang istimewa nalika nembangaké jeneng Dina lan Narayana kaya déné kapacak sajeroning kitab, kang dikenal minangka Narad Bhakti Sutra.