Basa Urdu
(Kaelih saka Basa Urdhu)
Basa Urdhu (Urdhu: اردو., IPA: [ˈʊrd̪u]) iku sawijining basa ing Asia Kidul kang kalebu kulawarga Indo-Arya. Basa iki salah siji basa resminé Pakistan. Basa resmi sijiné yaiku basa Inggris. Saliyané iku bsa Urdhu uga dadi basa resmi ing limang praja India. Basa Urdhu kalebu kelompok basa Hindustani lan isih mèmper karo basa Hindhi. Prabédan mligi yaiku basa Urdhu tinulis mawa abjad Arab kamangka basa Hindhi tinulis mawa aksara Déwanagari. Saliyané iku basa Urdhu ngamot akèh tembung-tembung serapan saka basa Arab lan basa Farsi. Kamangka basa Hindhi kang mutakir luwih akèh ngamot tembung-tembung saka basa Sangskreta. Cacahé panutur ibu basa Urdhu ana kurang luwih 65 yuta jiwa.