Kulawarga basa Austroasiatika

Saka Wikipédia Jawa, bauwarna bébas abasa Jawa
(Dilih saka Basa Austro-Asiatik)
Austroasiatika
Austro-Asia
Pasebaran
ing bumi:
Asia Kidul lan Kidul-Wétan
Panggolongan basa: Salah siji rumpun basa utama donya
Turunan:
Basa Austroasiatika

Kulawarga basa Austroasiatika sing sacara harafiah ateges “Asia Kidul”, iku sawijining rumpun basa-basa sing dipituturaké ing Asia Kidul-Wétan lan Asia Kidul. Ing antarané basa-basa sing klebu rumpun basa iki, mung basa Vietnam, basa Khmer, lan basa Mon sing duwé cathetan sajarah sing dawa. Basa Vietnam lan basa Khmer duwé status basa resmi (basa Vietnam ing Vietnam lan basa Khmer ing Kamboja), sauntara basa Santali lan basa Khasi duwé status basa resmi ing tingkat nagara bagéyan ing India. Basa liya saka rumpun iki dipituturaké déning saklompok cilik masarakat.

Rumpun basa Austroasiatika nyebar kapisah-pisah ing India, Bangladesh, lan Asia Kidul-Wétan, dipisahké déning laladan ing endi basa-basa liya dituturaké. Sacara wiyar dipercaya yèn rumpun basa Austroasiatika arupa basa asli laladan ing Asia Kidul-Wétan lan bagéyan wétan anak bawana India, lan yèn rumpun basa liya ing laladan iku klebu Indo-Éropah, Tai-Kadai, Dravida, lan Sino-Tibet, iku asil saka migrasi manungsa sing dumadi ing tembé wuri. (Minangka conto, ana tembung-tembung basa Austroasiatika ing rumpun basa Tibeto-Burma ing Nepal wétan.) Sapérangan ahli basa wis nyoba mbuktèkaké yèn rumpun basa Austroasiatika sakerabat karo rumpun basa Austronesia, saéngga mbentuk rumpun gedhé Austrik.

Basa Austroasiatika sacara skematis[besut | besut sumber]

Rumpun basa Austroasiatika sacara skematis:

Austroasiatika

Pranala njaba[besut | besut sumber]