Badan Pengawas Tenaga Nuklir

Badan Pengawas Tenaga Nuklir (BAPETEN) inggih punika salah satunggaling Lembaga Pamaréntah Non Kementerian (LPNK) ingkang mapan wonten ing sak ngandhapipun lan gadhah tanggel jawab dhateng Présidhèn. BAPETEN nggadhahi jejibahan nindakaken pengawasan dhateng sadaya kegiyatan ingkang ngginakaken tenaga nuklir ing Indonésia kanthi wontenipun peraturan perundhang-undhangan, perizinan, lan inspeksi kados ingkang sampun kaserat wonten ing peraturan perundhang-undhangan. BAPETEN madeg ing tanggal 8 Mèi 1998 lan wiwit aktip fungsinipun ing tanggal 4 Januari 1999.

Dhasar Hukum

• Undang-Undang Republik Indonesia No. 10 Taun 1997 ngèngingi Ketenaganukliran tanggal 10 April 1997 (Lembaran Nagara Taun 1997 No. 23, Tambahan Lembaran Nagara No. 3676);
• Dudutan Présidhèn Republik Indonesia No. 76 Taun 1998 ngengingi Badan Pengawas Tenaga Nuklir tanggal 19 Mèi 1998;
• Dudutan Présidhèn Republik Indonesia No. 110 Taun 2001 ngengingi Unit Organisasi dan Tugas Eselon I Lembaga Pamaréntah Non Departemen;
• Dudutan Présidhèn Republik Indonesia No. 5 Taun 2002 ngengingi Owah-owahan Dudutan Présidhèn No. 110 Taun 2001 ngengingi Unit Organisasi lan Tugas Eselon I Lembaga Pamaréntah Non Departemen.

Lambang

Tegesipun lambang Bapeten inggih punika:

• Lambang Garuda Pancasila inggih wujud saking lambang nagara ingkang minangka simbol bilih Bapeten inggih punika kalebet lembaga pamaréntah
• Werna dhasaripun ingkang pethak minangka lembaga pengawas gadhah makna minangka warna ingkang suci lan tulus saha nedahaken independensi kanggé nindakaken tugasipun
• Bunderan kanthi warna cemeng gadhah makna dados warna ingkang elegan, klasik, saha warna ingkang saged dipungabungaken kaliyan warna sanèsipun. Punika nedahaken bilih tugas Bapetan ingkang cros cutting, ingkang saged ngepasaken wonten ing sapérangan babagan saking indhustri, keséhatan, lingkungan, ngantos pertahanan.
• Bunderan alit ing lebet lan bunderen kandel ing njawinipun inggih wujud manunggaling bab makro lan mikro kosmos, inggih punika bunderan alit ingkang negesaken pribadi saben tiyang ingkang propesional lan bunderan ageng ingkang dados lambang lembaga minangka satunggaling siklus ingkang padu ingkang kedah satunggal pikiran. Ugi sisan dados bunderan ingkang minangka pelindhung nagara saking penyimpangan lan penyalagunaan saking ngginakaken radioaktip ing Indonésia.
• Wosing atom inggih minangka simbol saking wontenipun pengawasn saking Bapeten.

Kepala BAPETEN

• 1999-2003 Dr. Mohammad Ridwan, M.Sc, APU;
• 2003-2005 Prof. Dr. Azhar Djaloeis;
• 2005-2008 Ir. Sukarman Aminjoyo, APU;
• 2008-2014 Dr. Ir. As Natio Lasman;
• 2014-Sapunika Prof. Jazi Eko Istiyanto.