Babi Panggang Karo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Babi Panggang Karo utawi ingkang langkung kondhang mawi istilah BPK inggih punika satunggaling dhaharan ingkang kadamel saking daging babi ingkang dipunpanggang utawi dipunbakar. Dhaharan punika kalebet satunggaling dhaharan ingkang khas saking Suku Karo. Amargi kalebet dhaharan ingkang khas, pramila kathah dipunpanggihaken wonten ing sapérangan kutha ingkang papan kasebat kathah dipanggèni déning tiyang Karo, kados déné wonten ing Berastagi, Kabanjahe, Medan, lan ugi wonten ing Pekanbaru, Jakarta, lan Bandung.

Masakan Suku Karo[besut | besut sumber]

Ingkang mbédakaken antawisipun Babi Panggang Karo kaliyan babi panggang sanèsipun inggih punika wonten ing cara manggang ingkang dipunlampahi langkung unik mawi irisan ingkang langkung alus saha pamilihing bagiyan daging ingkang saé. Nalika dipuncawisaken babi panggang Karo ugi dipuntambahaken kaliyan godhong tela lan kincong ingkang sampun dipunalusaken lan dipunmasak kanthi khusus. Kejawi punika dipuntambahaken ugi saus ingkang dipundamel saking getih babi. Wontenipun saus getih babi punika dipunmasak rumiyin wonten ing geni lajeng dipuntambah kaliyan sekedhik toya lan dipunparingi bumbu ramuan kados déné asem lan sanèsipun. Saksampunipun mateng, werninipun saus punika radi coklat.

Dhaharan khas Karo punika dipunremeni sanget lan sampun kasebat wonten ing saknjawinipun negeri. Aroma saking babi panggang Karo punika dipuntambah kaliyan bumbu khas Batak inggih punika andaliman ingkang namung saged kapanggihaken wonten ing Batak.

Kejawi babi panggang Karo wonten ugi jinis dhaharan babi panggang sanèsipun ingkang dipunmasak déning sedhèrèk Batak sanèsipun kadosta Batak Toba, Batak Pakpak, Batak Simalungun, Batak Angkola, lan Batak Mandailing. Sapérangan wonten ingkang ngginakaken babi alas ingkang gadhah getih abang ingkang éco dipunpanggang ngginakaken bumbu saking khas Karo wau.

Cithakan:Suku Karo