Avatar (film)

Saka Wikipédia Jawa, bauwarna bébas abasa Jawa
Avatar
On the upper half of the poster are the faces of a man and a female blue alien with yellow eyes, with a giant planit and a moon in the background and the text at the top: "From the director of Terminator 2 and Titanic". Below is a dragon-like animal flying across a landscape with floating mountains at sunset; helicopter-like aircraft are seen in the distant background. The title "James Cameron's Avatar", filem credits and the release date appear at the bottom
Theatrical release poster
Disutradarani James Cameron
Diprodhuseri Jon Landau
Ditulis déning James Cameron
Dibintangi Sam Worthington
Dimusiki James Horner
Sinématografi Mauro Fiore
Dibesut déning Stephen E. Rivkin
Perusahaan
prodhuksi
Dibabar déning 20th Century Fox
Tanggal metu
  • Dhésèmber 10, 2009 (2009-12-10) (London premiere)
  • Dhésèmber 18, 2009 (2009-12-18) (United States)
Suwéné
162 minutes[1]
171 minutes (re-release)[2]
Nagara United States
Basa Inggris
Rantaman $237 million
Kalarisan $2,782,275,172[3][4]
Avatar

Avatar, ya iku filem fiksi Amérika ing taun 2009, sing disutradarani James Cameron, lan paragané Sam Worthington, Zoe Saldana,Stephen Lang, Michelle Rodriguez, Joel David Moore, Giovanni Ribisi lan Sigourney Weaver. Avatar dirilis sepisanan tanggal 10 Desèmber 2009 ing London, lan dirilis kanthi Internasional tanggal 16 Dhésèmber, ing Amérika tanggal 18 Desèmber.[5]

Dalan Carita[besut | besut sumber]

Ing taun 2154, manungsa sing urip ing Bumi saya kentèkan sumber daya alami. Mula The Resources Development Administration (RDA) golèk tambang mineral unobtanium ing planit Pandora, sing alasé kebak lan ngorbit ing gas gedhé Polyphemus ing tatanan bintang Alpha Centauri. Pandora gas é beracun kanggo manungsa mula kudu nganggo masker oksigen, dipanggoni déning para Na'vi, dhuwuré 3 m, kagolong spésies sapient humanoid, kulité warnané biru, sing urip harmoni karo alam lan nyembah déwa ibu ya iku Eywa.

Kanggo ngèksplorasi biosfer ing Pandora, digawé tironan Na'vi kang disebut avatar, ya iku dioperasèaké déning manungsa nganggo pikiran kan disambung ing tabung awak kang cocog genetiké. Jake Sully (Worthington)pawongan sing lumpuh, mantan tentara, nggantèkaké posisi sadulur kembaré kang wis mati kanggo ngoperasèkaké avataré. Dr. Grace Augustine (Sigourney Weaver) kepala program avatar, nganggep Sully kurang wasis kanggo panalitèn iki, mula dhèwèké diwènèhi ilmuwan ya iku Norm Spellman (Joel David). Nalika mlebu ing alas, Jake diserang déning thanator, mula dhèwèké mlayu. Ing tengah alas dhèwèké dislametaké déning Neytiri Zoe Saldana, salah sawijiné Na'vi wadon. Amarga deleng Jake antuk tandha apik saka Eywa, mula Neytiri nggawa Jake menyang klan-é. Ibuné ya iku ibu Mo'at ngongkon Neytiri kanggo ngajari Jake urip karo masarakat Na'vi liyané.

Kolonel Miles Quaritch (Stephen Lang), ketua RDA wadyabala keamanan swasta, njanjèni Jake supaya sikilé bisa mari. Yèn Jake bisa nggolèk informasi ngèngingi Hometree, panggonan para Na'vi sing ing lemahé akèh unobtaniumé. Grace, Norm, lan Jake padha-padha nyinaosi babagan uripé para Na'vi. Nganti 3 sasi Jake bisa mbaur lan diinisiasi, Jake milih pasangan karo Neytiri. Nalika wadyabala buldoser arep ngancuraké Wit Suci, Jake nyerang buldoser mau. Quaritch ngerti yèn sing nyerang mau Jake, Jake njelasaké yèn para Na'vi ora bakal lunga saka Hometree. Mula Quaritch mutusaké yèn Hometree kudu diancuraké.

Grace wis mènèhi pangertèn marang Parker Selfridge (Giovani Ribisi), yèn ngancuraké Hometree mengko bisa ngrusak jaringan saraf biologi asli Pandora. Mula Parker mènèhi kesempatan kanggo dhèwèké supaya bisa ngajak para Na'vi padha ngungsi. Jake lan Grace ngomong marang para Na'vi yèn dhèwèké iku mata-mata, mula Jake lan Grace ditangkap. Ngerti perkara mengkéné, Quaritch lan pasukané mbedhil Hometree nganti ambruk lan matèni para Na'vi uga bapaké Neytiri ketua para klan. Mo'at mbébasaké Jake lan Grace, ananging awaké metu saka avatar. Lan dipenjarakaké déning wadyabala Quaritch. Nanging juru anggegana Trudy Chacon (Michelle Rodriguez) ngéwangi Jake, Grace, lan Norm. Trudy nggawa pesawat lan kabur bareng-bareng menyang pos Grace, nanging Quaritch weruh, mula pesawat mau ditémbaki lan kena Grace.

Supaya antuk kaparcayan marang para Na'vi, Jake ngubungaké pikirané karo toruk, ya iku naga sing diwedèni lan dikurmati para Na'vi. Jake nemoni para Na'vi ing Tree of Souls kanggo ndonga supaya jiwané Grace bisa pindhah ing avataré. Nanging ora bisa, Grace mati.

Disengkuyung déning Tsu'Tey (Laz Alonso) ketua anyar, sing dadi penerjemah Jake. Jake ngajak para klan kanggo perang nglawan RDA. Quaricth uga nyusun stratégi kanggo ngrusak Tree of Souls. Jake ndonga marang Eywa supaya bisa bantu nyelametaké para Na'vi.

Ing wayah perang, para Na'vi kalah akèh, Tsu'Tey lan Trudy mati, ananging dumadakan para kéwan padha bantu kanggo perang, donga Jake marang Eywa manjur. Na'vi menang. Para manungsa dikon mbalik menyang Bumi. Nanging Jake ditransfer kanthi permanen dadi Na'vi.

Cathetan sikil[besut | besut sumber]

  1. ^ "BBFC rating and classification details for Avatar". December 7, 2009. Dijupuk August 26, 2010. Feature Film. Classified 07 December 2009. Run Time 161m 35s 
  2. ^ James Wigney (August 15, 2010). "Avatar director slams bandwagon jumpers". Herald Sun. Ostrali. Dijupuk August 16, 2010. 
  3. ^ Box Office Mojo
  4. ^ "Avatar". The-Numbers. Nash Information Services. Dijupuk March 27, 2011. 
  5. ^ [1](dipunundhuh tanggal 18 November 2012)