Apriyani Rahayu

Apriyani Rahayu (2020)

Apriyani Rahayu (lair ing Konawe, 29 April 1998; umur 23 taun) iku atlit badminton Indonésia mligi ing kelas rangkep putri lan rangkep campuran nalika isih junior. Nalika ing tingkatan sénior, dhèwèké mligi mèlu kelas rangkep putri. Dhèwèké kasil nggayuh medhali prunggu rangkep putri Kajuwaran Donya 2018 ing Cina lan Asian Games 2018 ing Jakarta. Sajroning laku kariré minangka atlit badminton, Apriyani nate pasangan kalawan sawetara atlit liyané, kaya ta Rosyita Eka Putri Sari, Fachriza Abimanyu, Rinov Rivaldy, Jauza Fadhila Sugiarto, Agripinna Prima Rahmanto Putra, Panji Akbar Sudrajat lan nalika iki pasangan karo Greysia Polii.