Annemiek van Vleuten
 Van Vleuten ing taun 2011 | ||||||||||||||||||||
| Pratélan pribadi | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
| Jeneng dawa | Annemiek van Vleuten | |||||||||||||||||||
| Lair | 8 Oktober 1982 Vleuten, the Netherlands | |||||||||||||||||||
| Dhuwur | 1.68 m (5 ft 6 in) | |||||||||||||||||||
Cathetaning medhali
| ||||||||||||||||||||
| Updated on 15 February 2012. | ||||||||||||||||||||
Annemiek van Vleuten (Vleuten (Utrecht), 8 Oktober 1982) iku sawijining juru balap pit Walanda. Dhèwèké wis tau ping telu dadi juwara Walanda: ing dalan ing 2012 lan nglawan wektu ing taun 2014 lan 2016.[1] Wiwit taun 2016 dhèwèké ngepit kanggo Orica-AIS saka Australia.
Babad slira
[besut | besut sumber]Annemiek van Vleuten olèh lisènsi tetandhingan ing 2007 lan ing taun iku dhèwèké menangaké kritériumé Lexmond. Sawisé iku ing taun iki dhèwèké menangaké Kajuwaran Walanda kanggo Mahasiswa. Dhèwèké banjur ngepit kanggo De Vrienden van het Platteland ('Para Kanca Désa') lan wiwit taun 2009 dhèwèké ngepit kanggo tim Bank DSB-Nederland Bloeit. Ing taun 2009 dhèwèké pindhah menyang tim wanita Rabobank. Annemiek lulus SMA ing Warnsveld, nalika iku omahé ana ing Vorden. Sawisé iku Annemiek kuliah ing Universitas Wageningen jurusan ngèlmu sato kéwan.
Ing taun 2010 Annemiek menangaké étape kapindho ing tetandhingan Céko Gracia Orlová lan pungkasané manggoni peringkat kapindho ing klasemèn pungkasan. Ing taun 2011 dhèwèké menangaké Ronde van Vlaanderen, Bèlgia lan ing tanggal 27 Agustus 2011 dhèwèké bisa menangaké bèker donya UCI Road Women World Cup. Tanggal 23 Juni 2012 Annemiek van Vleuten menangaké gelar Walandané sing kapisan kanthi ngalahaké Marianne Vos. Ing taun 2014 lan 2016 dhèwèké menangaké tetandhingan kajuwaran Walanda, nglawan wektu, tunggal, wanita. Annemiek iku olèhé pinter mligi ing balapan jarak cendhak nglawan wektu. Ing taun 2015 dhèwèké menangaké telung prolog: ing Giro Rosa, Emakumeen Bira lan Giro di Toscana. Uga ing taun iki dhèwèké menangaké medhali prunggu ing Kajuwaran Éropah ing Baku, Azerbeijan, sawuriné Ellen van Dijk sing menang emas.
Annemiek uga mèlu ngwakili Walanda nalika ing Olimpiade 2012 ing London. Ing kéné dhèwèké dadi olèh urutan kaping 14.[2] Annemiek iku ing tim sing padha karo Marianne Vos, Loes Gunnewijk lan Ellen van Dijk. Nalika Vos bisa menang medhali emas, Annemiek celathu manawa iku prèstasi tim.[3]
Ing Rio nalika Olimpiade 2016, Annemiek iku uga mèlu lan nalika balapan ing tanggal 7 Agustus 2016. Posisiné sing kapisan lan katoné bakal menang medhali emas. Nanging 10 km sadurungé finish, dhèwèké tiba ing sawijining tanjakan medhun. Tetandhingan iki pungkasané sing menang ya wong sanagara, ya iku Anna van der Breggen. Annemiek banjur gegar utek lan balung gegeré ana sing retak sithik.[4] Rong dina sawisé, dhèwèké olèh metu saka griya sakit. Nanging awaké gela banget.[5]
Réferènsi
[besut | besut sumber]- ↑ Annemiek van Vleuten dendert naar Nederlandse titel tijdrijden Wielerflits.nl, 22 juni 2016
- ↑ Women's Road Race Archived 2012-12-05 at archive.ph Error: unknown archive URL, London2012.com, 29 juli 2012.
- ↑ "Hier was het om te doen", NOS.nl, 29 juli 2012.
- ↑ "NOS.nl/Rio2016", NOS.nl, 7 augustus 2016
- ↑ "Nu.nl", nu.nl, 9 augustus 2016
Pranala njaba
[besut | besut sumber] |
Wikimedia Commons duwé médhia ngenani Annemiek van Vleuten. |
- Annemiek van Vleuten Archived 2021-07-28 at the Wayback Machine. ing Cycling Archives