Andreas Palaiologos

Andreas Palaiologos utawi Palaeologus (Grikenlan: Ανδρέας Παλαιολόγος; 1453–1502) inggih punika pangarsa utawi panguwaos Kaisar Romawi Wétan lan Despot Morea awit taun 1465 ngantos dumugi taun 1502. Panjenenganipun punika keponakanipun Konstantinus XI Palaiologos, Kaisar Romawi Wétan ingkang pungkasan. Sasampunipun Konstantinus tilar donya lan kawon wekdal mengsah Mehmed II nalika tanggal 29 Mèi 1453, Andreas tetep menggen ing Kitha Morea, ingkang dipunkuawosi independen déning ramanipun Andreas ingkang namanipun Thomas Palaiologos, ingkang ugi rayinipun Konstantinus. Nanging nalika taun 1460, Morea dipunserang Turki, lan Andreas sarta ramanipun mlajeng dhateng Ujung Italia. Sasampunipun ramanipun tilar donya taun 1465, Andreas manggèn ing Nagara kepausan kanthi paserujukanipun Paus. Panjenenganipun manggèn ing Kitha Roma, lan paring asma dhumateng dhirinipun kanthi asma Imperator Constantinopolitanus ("Kaisar Konstantinopel").