Alheira
 Alheira sing didol ing sawijining pasar ing Portugal | |
| Panggonan asal | Portugal |
|---|---|
| Tlatah utawa praja | Alheira de Mirandela, Portugal |
| Woworan pokok | sapi, iwèn, roti, lenga jaitun, fèt, bawang lan paprika. |
| Katerangan liyané | Variasi kosher Chorizo |
 Buku masakan: Alheira  Médhia: Alheira | |
Alheira (pangucapan ing basa Portugis: [ɐˈʎejɾɐ]) kuwi sajinising sosis Portugal, sing digawé ora nganggo daging babi, nanging lumrahé pedhèt, bèbèk, pitik, manuk puyuh utawa terwèlu lan roti.
Senadyan tembung alheira iku dijupuk saka tembung alho (bawang) lan jaman biyèn tau ditrapaké kanggo kabèh sosis sing dibumboni mawa bawang, saiki ora kabèh alheira ngandhut bawang, senadyan bumbu iki isih lumrah.
Sosis sing bakal ditepungi mawa jeneng "alheira" iki mula bukané diciptakaké déning Wong Yahudi Portugal, sing diwèhi pilihan diusir saka Portugal utawa dipeksa lumebu agama Katulik. Sok sapaa sing ganti agama iku kanthi wadi panggah ngibadah miturut agama lawasé, contoné ora mangan babi, awit iki dilarang ing agama Yahudi. Nanging menawa iki dilakoni, wong-wong liya bisa padha nyigèni genéya Wong-Wong Yahudi iki ora nggantungi sosis ing fumeiros (omah asep).[1] Minangka cara ora golèk kawigatèn déning Inquisisi Portugis utawa ing laladan padésan Wong-Wong Kristen Portugis, wong-wong Yahudi iki ya nggawé sosis, nanging isiné daging luya, kaya ta iwèn, kéwan alas sing diawor karo roti kanggo tèksturé sosis.[1] Ing tembé resèp iki ya sumebar antara Wong Kristen.
Alheira iku lumrahé dipanggang utawa dibakar lan disajèkaké mawa sayuran godhog. Jaman saiki kerepé digorèng lan disajèkaké mawa kenthang gorèng saha endhog gorèng. Alheira iku kerep dadi panganan murah dhéwé ing menu rèstoran, nanging sing digawé saka kéwan alas regané bisa luwih larang.
Senadyan alheira iku digayutaké karo kutha Mirandela, laladan Beira Alta lan Trás-os-Montes uga misuwue déné alheira-né.
Variasi mawa pangreksan PGI iku kalebu Alheira de Vinhais lan Alheira de Barroso-Montalegre.[2][3]
Réferènsi
[besut | besut sumber]- ↑ a b "Top 10 foods to try in Lisbon". BBC Good Food (ing basa Inggris). Dibukak ing 2017-05-18.
- ↑ Alheira de Barroso-Montalegre in the DOOR Data Base of the European Union.
- ↑ Alheira de Vinhais in the DOOR Data Base of the European Union.
Delengen uga
[besut | besut sumber]Pranala njaba
[besut | besut sumber]- (ing basa Inggris) Taste Portugal Archived 2011-08-28 at the Wayback Machine.
- (ing basa Portugis) Alheira Archived 2005-01-16 at the Portuguese Web Archive
- (ing basa Portugis) Étimologi
- (ing basa Portugis) Sajarah