Farinheira

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Farinheira mentah
Farinheira, wis mateng digodhog lan diiris

Farinheira (pangucapan ing basa Portugis: [fɐɾiˈɲejɾɐ]) iku sawijining sosis Portugal sing diasep lan digawé saka glepung trigu, gajih babi lan bumbu-bumbu liyané (anggur putih, paprika, uyah lan mrica). Warnané kuning/soklat lan lumrahé disajèkaké ing panganan tradhisional kaya ta feijoada lan cozido à portuguesa. Sosis iki uga digadho ngono waé, dibakar utawa digorèng. Ing vèrsi modèren, sosis iki digodhog, dioncèki, banjur diawor karo endhok udhak (scrambled eggs) lan disajèkaké mawa roti utawa biskuwit.

Senadyan rupané mèmper chouriço utawa sosis daging liyané, rasané ora ndagingi lan keras nanging ora pedhes, tèksturé lembut mèmper bolu lan rasané uga asemu legi. Menawa digodhog ora tau diirisi, awit isiné sing mèmper jladrèn glepung bakal buyar.

Pranala njaba[besut | besut sumber]