Alan Barnard
Alan Barnard ya iku ahli antropologi saka Los Angeles, Amérikah Sarékat kalairan 22 Fèbruari 1949[1]. Barnard wis naté olèh pandhidhikan sarjana ing George Washington University (1971), magister ing McMaster University (1972), uga olèh gelar Ph.D. saka University of London (1976)[1][2]. Panalitèn lapangané iku antarané pangalaman arkèologi ing Inggris (1970-1971), Afrika Kidul (1972-1973), Namibia (1973). Panlitian antropologiné naté ing golongan Khoisan ing kidulé Afrika awit 1973 nganti 1997, Botswana (1974, 1982), lan Jepang (2002). Karya-karya tulisané kang wis diterbitké iku antarané Research Practices in the Study of Kinship (1984), Hunters and Herders of Southern Africa; A Comparative Ethnography of the Khoisan Peoples (1992), lan History and Theory in Anthropology (2000)[2]. Barnard naté dadi siswa dhoktor ing bimbingané Adam Kuper. Tèsisé nuduhaké tèori sistem krabatan Khoisan nganggo pamawas tetandhingan struktur dhaérah[1]. Barnard duwé pisumbangan kang penting ngenani ètnografi Kalahari, khususé bab téori antropologi krabatan[1].
Rujukan[besut | besut sumber]
- ↑ a b c d Amit, Vered (2004). Biographical dictionary of social and cultural anthropology. London: Routledge. kc. 42–43. ISBN 020364459X. OCLC 436848672.
- ↑ a b "Alan Barnard". The University of Edinburgh. Diarsip saka sing asli ing 2017-11-10. Dibukak ing 2017-11-16.