Al-Kindi

Saka Wikipédia Jawa, bauwarna bébas abasa Jawa
Al-Kindi

Al-Kindi ya iku tokoh kang nemu minyak wangi.[1] Jeneng lengkapé ya iku Au Yusuf Yakub ibn Ashaq Al-Kindi utawa luwih dikenal kanthi aran Al-Kindi.[1] Wong Barat biasa nyebut kanthi aran Al-Kindus.[1] Dhéwèké lair ing kutha Kuffah taun 801 M.[1] Bapake ya iku gubernur ing Kuffah nalika pamaréntahan Khalifah Abbasiyah.[1] Déwèké keturunan saka bangsa Kindah kanga asalé saka Yaman. Al-Kindi minangka ahli kang wiwitan nemu minyak wangi sacara kimiawi.[1] Saliyané nemu minyak wangi, Al-Kindi uga duwèni pirang-pirang penemuan.[1] Ing babagan teknologi, Al-Kindi ngasilaké kaca mata lan alat perang.[1] Ing babagan arsitektur, dhéwèké ngrancang kreteg, mesin perang, trowongan, lan bangunan liyané ing dhaérah kang dipanggoni.[1] Al-Kindi uga dikenal minangka filosof Islam kang wiwitan.[2] Dhèwèké uga bisa nyawijikaké pemikiran Islam karo filsafat Yunani kang seneng ngandalaké logika.[2] Pancen ana padon antarané flsafat Yunani karo agama-agama ing Arab (Timur Tengah).[2] Kabèh mau didiwiwiti kanthi penerjemahan buku-buku filsafat saka basa Yunani dadi basa Arab.[2] Kabèh alesané ditampa déning kerajaan, ilmuwan, utawa agamawan ing mangsa iku.[2] Miturut Al-Kindi, minangksa umat manungsa ing dunya iki kudu bisa pangertèn marang liyan, dudu malah padon karo liyan.[2] Al-Kindi tinggal dunya tahun 873 M.[3]

Cathetan suku[besut | besut sumber]

  1. ^ a b c d e f g h i [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 37]
  2. ^ a b c d e f [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 38]
  3. ^ [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 39]