Akrofiseter (Acrophyseter) ya iku salah sawijining kéwan jinis Stem baboné paus sperma (paus kang dhapuré kaya sperma) kang urip kira-kira 6 yuta taun kapungkur.[1] Jeneng Akrofiseter iku saka tembung Yunaniacros kang duwé teges akut, (nggambaraké moncongé kang cendhèk) lan physeter kang jeneng èlmiah mirunggan kanggo paus sperma. Nanging ora padha kaya déné paus sperma saiki, Akrofiseter deinodon rélatif ora dawa-dawa banget, ya iku mung sawatara 4 mèter dawanè lan duwé untu kang njangkepi rangangé sakloron, ngisor-ndhuwur; 12 ing saben rahang sisih dhuwur lan 13 ing saben rahang sisih ngisor. Untu-untuné kang gedhé lan landhep- landhep iki ora temata kaya paus lumrahé amarga iku diwènèhi jejuluk deinodon kang asalé saka basa Yunani; deinos kang artiné "èlèk" lan tembung odon kang artiné "untu". Let antar untu kang ana ing rahang ngisoré iku rempet-rempetan kang nuduhaké yèn Akrofiseter iku bisa mamah panganané ora kaya iwak paus jaman saiki, kang ora duwé untu ing rahang dhuwurè. Iki uga negesaké yèn Akrofiseter seneng mangan kanthi mangsa kang ukurané gedhé kaya ta iwak paus kang luwih cilik saka awaké, misalé Piscolithax, Pinnipeds sajinis Akrofoka (Acrophoca) lan penguin kaya Spheniscus urbinai kang urip sajamané.[2]
Manéka karakteristik tengkoraké kaya ta ukuran untu lan anané anamel untu kang ing paus modhèren ora tinemu ngindhikasikaké yèn Akrofiseter iku kamangka isih duwé sadulur karo golongan kéwan Brygmophyseter lan Zygophyseter lan kanggo golongan kang ing njeronè ana Aulophyseter lan golongan Physeteroid, Kogiid, lan Physeterids.[3]
.png){kind=small}