Agatha Christie

Saka Wikipédia Jawa, bauwarna mardika basa Jawa
Agatha Christie
Lair15 September 1890
Torquay, Devon, Inggris
Pati12 Januari 1976
Cholsey, Oxfordshire, Inggris
PakaryaNovelis
Gènrefiksi kriminal
Obahan sastraMasa Keemasan Fiksi Detektif
Situs jaringan
http://www.agathachristie.com

Agatha Christie ya iku penulis carita misteri sing paling kaloka lan pengarang sing karyanè paling payu[1]. Buku-bukunè wis kadol punjul samilyar èksemplar sing basa Inggris lan samilyar manèh nganggo 45 basa liyané (tekan 2003)[1]. Christie nerbitake punjul 80 novèl lan sandhiwara teater[1]. Novèl lan sandiwarane nyaritakake bab detektif lan misteri, akèh sing nyaritakaké salah sawijining tokoh seriale, Hercule Poirot utawa Miss Marple[1]. Dhèwèké iku kalebu tokoh ing fiksi detektif amarga sukses ing genre fiksi detektif[1].

Biografi[besut | besut sumber]

Lair nganggo jeneng Agatha Miller, duwé anak jenenge Rosalind Hicks saka bojo pertama, ya iku Kolonel Archibald Christie, banjur pegatan taun 1928[2]. Nalika Perang Dunia II dhèwèké kerja dadi apotèker, pakaryan sing dadi prabawa ing karya-karyané, akèh paten-patennan nganggo racun ing caritane dhèwèké[2]. Dhésèmber 1926 dhèwèké ngilang sewelas dina lan dadi reribut ing pers. Dhèwèké akhire tinemu ing hotèl ing kutha Harrogate, dhèwèké ngomong yèn dhèwèké kena amnesia sing disebabake gangguan urat syaraf sawisé ibune ninggal lan masalah bale wismane[2]. Taun 1930 dhèwèké daup karo Sir Max Mallowan, ahli arkéologi Inggris. Sandiwara panggunge "The Mousetrap" menang rekor minangka sandiwara paling suwé diputer ing London ya iku saka 25 November 1952 tekan seprene wis diputer punjul ping 20.000. Taun 1971 dhèwèké olèh gelar "Dame Commander of the British Empire"[2].

Cathetan suku[besut | besut sumber]

  1. a b c d e "Homepage". www.agathachristie.com (ing basa Inggris Amérika Sarékat). Dibukak ing 2019-01-17.
  2. a b c d "Agatha Christie - Biography and Works. Search Texts, Read Online. Discuss". www.online-literature.com. Dibukak ing 2019-01-17.