Admixture

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Admixture iku bahan tambahan[1] ora kapétung banyu, semèn lan watu/agregat sing dicampur ing beton utawa mortar, sing cara nyampuré ditambahaké ing beton sadurungé utawa bebarengan nalika nyampur beton[2]. Lumrahé bahan tambahan iki iki wujudé ana loro, ya iku ana sing wujud mineral (additive) lan ana sing awujud dat kimia (admixture). Bahan iki migunani antarané kanggo nambah kakuwatan lan workability beton lan bisa ngurangi panggunaan semèn sajeroning campuran beton.

Paédahé[besut | besut sumber]

Paédahé admixture ing beton antarané ya iku:

  • Ngunggahke workability beton
  • Ngatur FAS (Faktor Air Semen/faktor banyu semèn) ing beton seger
  • Ngurangi kebutuhané semèn
  • Nyegah beton segregasi lan bleeding
  • Ngunggahaké kekuwatan beton atos
  • Ngunggahaké sipat tahan banyu ing beton atos
  • Ngunggahaké sipat beton tahan saka dat-dat kimia
  • Lan liya-liyané

Jinis bahan tambah[besut | besut sumber]

Lumrahé ana loro jinisé bahan tambah ya iku: admixture lan additif

  • Admixture, bahan tambah sing dhapuré dat kimia: ditambahké ing beton nalika ngadhuk utawa ngecor
  • Additif, bahan tambah wanguné mineral: ditambahké ing beton nalika ngadhuk

Jinis admixture[besut | besut sumber]

Miturut ASTM C.494[3], admixture dibédakaké dadi pitung rupa, ya iku:

  1. Tipe A: Water Reducing Admixture (WRA)
    1. Bahan tambah iki duwé fungsi dinggo ngurangi kebutuhané banyu sing dinggo ngadhuk beton sing konsistensine ditentokaké.
  2. Tipe B: Retarding Admixture
    1. Bahan tambah iki duwé fungsi dianggo nambah wektu ngadhuk beton supaya luwih alon. Bahan tambah iki biyasa dianggo kondisi wektu panas, nambah wektu madhetaké, ngangkud lan ngecor beton
  3. Tipe C: Accelerating Admixtures
    1. Bahan tambah iki duwé fungsi kanggo nambah wektu ngadhuk beton supaya luwih rikat lan nambah kakuwatan beton ning awal. Bahan tambahan iki dianggo supaya wektu iket semèn luwih cendhak supaya kakuwatan awal beton luwih rikat. Sing kalebu accelerator ya iku: kalsium klorida, bromide, karbonat lan silikat. Kanggo tlatah-tlatah sing njalari korosiné dhuwur ora diprayogakaké nganggo accelerator jinis kalsium klorida. Dosis paling dhuwur sing bisa ditambahaké ing beton ya iku 2 % saka bobot semèn.
  4. Tipe D: Water Reducing and Retarding Admixture
    1. Bahan tambah iki duwé fungsi dobel ya iku kanggo ngurangi kabutuhan banyu sing dianggo ngadhuk beton nanging adhukan beton konsitensiné tetep, sisan gawé wektu iket beton luwih suwé saka wektu iket awalé lan wektu beton atos. Kanti nambahaké bahan iki,kabutuhané semèn bisa dikurangi padha karo gunggungé banyu sing dikurangi. Bahan iki wujudé cuwèr, dadi wektu ngrencanakaké kabutuhané banyu sing dianggo ngadhuk beton, boboté admixture sing ditambahké beton kudu ditambahaké dadi boboté banyu total sing dianggo nyampur beton.
  5. Tipe E: Water Reducing and Accelerating Admixture
    1. Bahan tambahan iki duwé fungsi dobel ya iku dinggo ngurangi kabutuhané banyu sing dianggo ngadhuk beton nanging adhukan beton konsitensiné tetep, sisan gawé wektu iket beton luwih rikat wektu iket awalé lan wektu atos beton. Beton sing ditambah nganggo bahan tambah iki bisa ndadèkaké beton sing wektu iketé luwih rikat lan kabutuhan banyuné sithik nanging tetep gampang dikerjakaké. Kanti nganggo bahan iki dikarepaké beton duwé kakuatan dhuwur lan wektu iket sing rikat (beton duwé kakuwatan awal sing dhuwur)
  6. Tipe F: Water Reducing, High Range Admixture
    1. Bahan tambahan iki duwé fungsi kanggo ngurangi kabutuhané banyu sing dianggo ngadhuk beton nanging adhukan beton konsitensine tetep, nganti 12% utawa luwih. Kanthi nambahaké bahan iki ing beton, dikarepaké supaya ngurangi kabutuhané banyu gunggungé akèh sing dianggo ngadhuk beton, satemah dikarepaké kakuwatan beton sing diasilaké dhuwur lan kabutuhan banyu luwih sithik, nanging beton gampang dikerjakaké. Bahan tambahan jinis iki wujud superplasticizer. Sing kalebu jinis superplasticizer ya iku: kondensi sulfonat melamine formaldehyde sing kandhutan klorida 0,005%, sulfonat nafthalin formaldehyde, modifikasi lignosulphona tanpa kandhutan klorida. Jinis bahan iki bisa ngurangi gunggung banyu ing sajeroning campuran beton lan ngunggahaké slump 208 mm. Dosis.. sing diprayogakkaké 1% - 2% soko bobot semèn.
  7. Tipe G: Water Reducing, High Range Retarding admixtures
    1. Bahan tambahan iki duwé fungsi dianggo ngurangi kabutuhané banyu sing dinggo ngadhuk beton nanging adhukan beton konsitensine tetep nganti 12% utawa luwih sisan dianggo nahan iketan lan atosé beton. Bahan iki dianggo yèn gawéan mepet wektuné sebab tenaga sing winates.

Rujukan[besut | besut sumber]

Pranala njaba[besut | besut sumber]