ꦪꦸꦠꦸꦧꦼꦂ
ꦗꦮ
|
ꦪꦸꦠꦸꦧꦼꦂ꧈ ꦲꦸꦒ ꦢꦶꦏꦼꦤꦭ꧀ ꦩꦶꦤꦁꦏ ꦥꦁꦫꦶꦥ꧀ꦠ ꦏꦺꦴꦤ꧀ꦠꦺꦲ꧀ ꦪꦸꦠꦸꦧ꧀꧈ ꦪꦲꦶꦏꦸ ꦏꦮꦶꦗꦶꦤꦶꦁ ꦗꦶꦤꦶꦱ꧀ ꦥ꦳ꦶꦝꦺꦪꦺꦴꦒꦿꦥ꦳ꦼꦂ ꦲꦸꦠꦮ ꦥꦁꦭꦶꦥꦸꦂ ꦏꦁ ꦔ꧀ꦒꦮꦺ ꦥ꦳ꦶꦝꦺꦪꦺꦴ ꦏꦁꦒꦺꦴ ꦱꦶꦠꦸꦱ꧀ ꦗꦫꦶꦔꦤ꧀ ꦱꦶꦭꦶꦃ ꦲꦶꦗꦺꦴꦭ꧀ ꦥ꦳ꦶꦝꦺꦪꦺꦴ ꧌video-sharing꧍ ꦪꦸꦠꦸꦧ꧀꧈ ꦱꦺꦴꦏ꧀-ꦱꦺꦴꦏ꧀ ꦢꦶꦝꦸꦏꦸꦁ ꦢꦼꦤꦶꦁ ꦗꦫꦶꦔꦤ꧀꧉ ꦱꦮꦼꦤꦺꦃ ꦠꦺꦴꦏꦺꦴꦃ ꦪꦸꦠꦸꦧ꧀ ꦲꦸꦒ ꦢꦸꦮꦺꦤꦶ ꦱ꧀ꦥꦺꦴꦤ꧀ꦱꦂ ꦥꦼꦫꦸꦱꦲꦄꦤ꧀ ꦏꦁ ꦧꦪꦂ ꦏꦁꦒꦺꦴ ꦥꦿꦺꦴꦢꦏ꧀ ꦥꦾꦺꦱ꧀ꦒꦺꦤ꧀ ꦗꦿꦺꦴꦤꦶꦁ ꦏꦾꦶꦥ꧀ ꦝꦺꦮꦺꦏꦺ ꦲꦸꦠꦮ ꦥ꦳ꦶꦝꦺꦪꦺꦴ ꦗꦿꦺꦴꦫꦶꦁ ꧌ꦢꦫꦶꦁ꧍꧉ ꦥꦫ ꦥꦁꦫꦶꦥ꧀ꦠ ꦏꦺꦴꦤ꧀ꦠꦺꦤ꧀ ꦲꦶꦏꦶ ꦲꦱꦿꦶꦁ ꦢꦶꦲꦫꦤꦶ ꦩꦶꦤꦁꦏ ꦥꦫ ꧋influencer꧋꧉
ꦌꦠꦶꦩꦺꦴꦭꦺꦴꦒꦶ
[besut | besut sumber]ꦗꦼꦤꦼꦁ ꧋ꦪꦸꦠꦸꦧꦼꦂ꧋ ꦔꦿꦸꦗꦸꦏ꧀ ꦩꦫꦁ ꦲꦶꦤ꧀ꦢꦶꦥ꦳ꦶꦝꦸ ꦏꦁ ꦥ꧀ꦭꦠ꧀ꦥ꦳ꦺꦴꦫ꧀ꦩ ꦲꦸꦠꦩꦤꦺ ꦲꦸꦠꦮ ꦱꦶꦗꦶ-ꦱꦶꦗꦶꦤꦺ ꦲꦩꦸꦁ ꦏꦤꦭ꧀ ꦪꦸꦠꦸꦧ꧀꧈ ꦱꦸꦧ꧀ꦏꦕ ꦏꦁ ꦢꦶꦥꦼꦂꦱꦺꦴꦤꦭꦶꦱꦱꦶ ꦱꦏ ꦥ꧀ꦭꦠ꧀ꦥ꦳ꦺꦴꦫ꧀ꦩ ꦱꦶꦭꦶꦃ ꦲꦶꦗꦺꦴꦭ꧀ ꦥ꦳ꦶꦝꦺꦪꦺꦴ ꦪꦸꦠꦸꦧ꧀꧉
ꦱꦗꦫꦃ
[besut | besut sumber]
ꦗꦼꦤꦼꦁ ꦢꦺꦴꦩꦺꦚ꧀ ꦲꦶꦤ꧀ꦠꦼꦂꦤꦺꦠ꧀ ꧋www.youtube.com꧋ ꦢꦶꦲꦏ꧀ꦠꦶꦥ꦳ꦲꦏꦺ ꦲꦶꦁ ꦠꦁꦒꦭ꧀ ꧇꧑꧔꧇ ꦥ꦳ꦺꦧꦿꦸꦲꦫꦶ ꧇꧒꧐꧐꧕꧇ ꦢꦼꦤꦶꦁ ꦕꦺꦢ꧀ ꦲꦼꦂꦭꦺꦪ꧀꧈ ꦱ꧀ꦠꦶꦥ꦳ ꦕꦺꦤ꧀꧈ ꦭꦤ꧀ ꦗꦮꦺꦢ꧀ ꦏꦫꦶꦩ꧀꧈ ꦤꦭꦶꦏ ꦝꦺꦮꦺꦏꦺ ꦥꦝ ꦚꦩ꧀ꦧꦸꦠ꧀ ꦒꦮꦺ ꦲꦶꦁ PayPal꧉[1] ꦏꦤꦭ꧀ ꦪꦸꦠꦸꦧ꧀ ꦏꦥꦶꦱꦤ꧀ ꦪꦲꦶꦏꦸ ꧋jawed꧋꧈ ꦢꦶꦒꦮꦺ ꦲꦶꦁ ꦠꦁꦒꦭ꧀ ꧇꧒꧓꧇ ꦄꦥꦿꦶꦭ꧀ ꧇꧒꧐꧐꧕꧇ PST ꧌꧇꧒꧔꧇ ꦄꦥꦿꦶꦭ꧀ ꧇꧒꧐꧐꧕꧇ UTC꧍ ꦢꦼꦤꦶꦁ co-founder ꦪꦸꦠꦸꦧ꧀꧉[2][3] ꦢꦺꦮꦺꦏꦺ ꦪꦲꦶꦏꦸ ꦮꦺꦴꦁ ꦏꦥꦶꦱꦤ꧀ ꦏꦁ ꦔꦸꦁꦒꦃ ꦥ꦳ꦶꦝꦺꦪꦺꦴ ꦲꦶꦁ ꦪꦸꦠꦸꦧ꧀꧈ ꦱꦮꦶꦗꦶ ꦏ꧀ꦭꦶꦥ ꦥ꦳꧀ꦭꦺꦴꦒ꧀ ꦕꦼꦏ꧀ꦏ ꦏꦁ ꦲꦶꦫꦃ-ꦲꦶꦫꦲꦤꦺ Me at the zoo꧈ ꦲꦶꦁ ꦢꦶꦤ ꦏꦁ ꦥꦝ꧉[4]
ꦥꦶꦁ ꦱꦱꦶ ꦎꦏ꧀ꦠꦺꦴꦧꦼꦂ ꧇꧒꧐꧐꧕꧇꧈ ꦪꦸꦠꦸꦧ꧀ ꦔꦼꦤꦭꦏꦺ ꦥ꦳ꦶꦠꦸꦂ ꦭꦁꦒꦤꦤ꧀ ꦩꦫꦁ ꦏꦤꦭ꧀-ꦏꦤꦭ꧀ ꦪꦸꦠꦸꦧ꧀꧉[5] The New York Times ꦤ꧀ꦝꦏꦸ ꦩꦤꦮ ꦲꦏꦺꦃ-ꦥꦏꦺꦃ ꦥ꦳ꦶꦝꦺꦪꦺꦴ ꦪꦸꦠꦸꦧ꧀ ꦔꦤ꧀ꦠꦶ ꦠꦼꦏꦤ꧀ ꦠꦲꦸꦤ꧀ ꧇꧒꧐꧐꧖꧇ ꦏꦥ꦳ꦺꦴꦏꦸꦱ꧀ ꦲꦶꦁ ꦱꦮꦠꦫ ꦮꦸꦗꦸꦢ꧀ ꦧꦏꦠ꧀꧈ ꦚꦸꦥ꧀ꦭꦶꦏ꧀ ꦲꦏ꧀ꦱꦶ back-flip꧈ ꦱꦶꦁꦏꦿꦺꦴꦤꦶꦱꦱꦶ ꦭꦩ꧀ꦧꦺ꧈ ꦭꦤ꧀ ꦧꦏꦠ꧀ ꦭꦶꦪꦤꦺ ꦏꦁ ꦢꦶꦲꦸꦁꦒꦃ ꦭꦶꦮꦠ꧀ ꦏ꧀ꦭꦶꦥ꧀-ꦏ꧀ꦭꦶꦥ꧀ ꦏꦪꦠ ꦏ꧀ꦭꦶꦥ꧀ ꦱꦏ Saturday Night Live꧉[6] ꦲꦶꦁ ꦱꦱꦶ ꦗꦸꦤꦶ ꧇꧒꧐꧐꧖꧇꧈ ꦥꦼꦫꦸꦱꦲꦤ꧀ꧏ ꦲꦺꦴꦭꦶꦮꦸꦢ꧀ ꦭꦤ꧀ ꦲꦶꦤ꧀ꦢꦸꦱ꧀ꦠꦿꦶ ꦏꦁ ꦢꦶꦲꦏꦺꦴꦤꦶ ꦥꦝ ꦩꦶꦮꦶꦠꦶ ꦚꦸꦱꦸꦤ꧀ ꦲꦸꦧꦸꦔꦤ꧀ ꦧꦶꦱ꧀ꦤꦶꦱ꧀ ꦥ꦳ꦺꦴꦂꦩꦭ꧀ ꦏꦫꦺꦴ ꦧꦏꦠ꧀ ꦪꦸꦠꦸꦧ꧀ ꦏꦁ ꦥ꦳ꦶꦝꦺꦪꦺꦴꦤꦺ ꧋ꦒꦮꦺꦪꦤ꧀ ꦝꦺꦮꦺ꧋ ꧌homegrown꧍꧋—ꦮꦺꦴꦁ ꦏꦁ ꦏꦥꦶꦱꦤ꧀ ꦢꦶꦪꦏꦶꦤꦶ ꦩꦶꦤꦁꦏ ꦤꦫꦧ꧀ꦭꦒ꧀ ꧌blogger꧍ ꦗꦸꦫꦸ ꦧꦚꦺꦴꦭ꧀ ꦧꦿꦸꦏ꧀ ꧋ꦧꦿꦸꦏꦄꦼꦂꦱ꧀ ꦧꦿꦺꦴꦢꦏ꧀ ꧌ꦭꦶꦮꦠ꧀ Carson Daly꧍꧈[7] ꦧꦤ꧀ꦗꦸꦂ ꦗꦸꦫꦸ ꦚꦚꦶ ꦗꦱ꧀ꦠꦶꦤ꧀ ꦧꦶꦧꦼꦂ ꧌ꦭꦶꦮꦠ꧀ Usher꧍꧈[8] ꦭꦤ꧀ ꦝꦺꦴꦏ꧀ꦠꦼꦴꦂ ꦏꦁ ꦱꦠꦼꦫꦸꦱꦺ ꦢꦢꦶ ꦱꦠꦶꦫꦶꦱ꧀ ꦥꦸꦭꦶꦠꦶꦏ꧀ ꦧꦱ꧀ꦱꦺꦩ꧀ ꦪꦸꦱꦺꦥ꦳ ꧌ꦭꦶꦮꦠ꧀ ꦱꦮꦶꦗꦶ ꦗꦫꦶꦔꦤ꧀ ꦠꦺꦭꦺꦥ꦳ꦶ꧍ꦱꦶ ꦩꦼꦱꦶꦂ꧉[9][10] ꦲꦶꦁ ꦠꦲꦸꦤ꧀ ꧇꧒꧐꧐꧗꧇꧈ ꦪꦸꦠꦸꦧ꧀ ꦩꦶꦮꦶꦠꦶ ꧋ꦥꦿꦺꦴꦒꦿꦩ꧀ ꦩꦶꦠꦿ ꧌Partner Program꧍꧋꧈ ꦱꦮꦶꦗꦶ ꦥꦶꦭꦭꦤ꧀ ꦥꦩ꧀ꦧꦒꦺꦪꦤ꧀ ꦧꦛꦶ ꦲꦶꦏ꧀ꦭꦤ꧀ ꦏꦁ ꦔꦺꦴꦭꦺꦲꦶ ꦥꦫ ꦪꦸꦠꦸꦧꦼꦂ ꦔꦱꦶꦭꦏꦺ ꦝꦸꦮꦶꦠ꧀ ꦱꦏ ꦥ꦳ꦶꦝꦺꦪꦺꦴ-ꦥ꦳ꦶꦝꦺꦪꦺꦴ ꦏꦁ ꦝꦺꦮꦺꦏꦺ ꦥꦝ ꦔꦸꦁꦒꦃ ꦩꦼꦚꦁ ꦪꦸꦠꦸꦧ꧀꧉[11]
Ing sasi Oktober 2015, ana luwih saka 17.000 kanal YouTube kanthi luwih saka 100.000 pelanggan, lan mèh 1.500 kanal kanthi luwih saka sak yuta pelanggan.[12] Gunggung kasebut saya mundhak mèh nganti 44.000 kanal kanthi sak orané mèh ana 250.000 pelangggan ing sasi Januari 2019.[13]
- ↑ Graham, Jefferson (November 21, 2005). "Video websites pop up, invite postings". USA Today. Dibukak ing May 2, 2018.
- ↑ "jawed". YouTube (ing basa Inggris). Dibukak ing 2018-06-02.
- ↑ "Extract Meta Data". citizenevidence.amnestyusa.org. Dibukak ing 2018-06-02.
- ↑ "YouTube created a FOMO viewing culture over the past 13 years". Polygon. April 23, 2018.
- ↑ "Official YouTube Blog" (ing basa Inggris Amérika Sarékat). Dibukak ing 2018-06-10.
- ↑ Carney, John (2006-04-16). "People Who Watch People: Lost in an Online Hall of Mirrors". The New York Times (ing basa Inggris Amérika Sarékat). ISSN 0362-4331. Dibukak ing 2018-06-03.
- ↑ Collins, Scott (June 19, 2006). "Now she has their attention". Los Angeles Times. Diarsip saka sing asli ing October 18, 2017. Dibukak ing October 30, 2022.
- ↑ Herrera, Monica (March 19, 2010). "Justin Bieber - The Billboard Cover Story". Billboard. Diarsip saka asliné ing January 16, 2014. Dibukak ing June 6, 2018.
- ↑ Simon, Bob (March 16, 2014). "Meet the "Jon Stewart of Egypt": Bassem Youssef (60 Minutes transcript)". CBS News. Diarsip saka asliné ing March 17, 2014. Dibukak ing June 7, 2018.
- ↑ "Youssef: 'Important to have other opinions'". Deutsche Welle. February 7, 2014. Diarsip saka asliné ing March 17, 2014. Dibukak ing June 7, 2018.
- ↑ John Seabrook (January 16, 2012). "Streaming Dreams". www.newyorker.com (ing basa Inggris). Diarsip saka asliné ing 9 January 2014. Dibukak ing 2018-06-06.
- ↑ Dredge, Stuart (2016-02-03). "Why are YouTube stars so popular?". The Guardian (ing basa Inggris). Dibukak ing 2018-05-03.
- ↑ Patrick van Kessel (December 4, 2019). "10 facts about Americans and YouTube". Pew Research Center. Dibukak ing December 17, 2019.